សហរដ្ឋអាមេរិក ៖ បុរសអាយុ៤៦ឆ្នាំម្នាក់ កាលពីថ្ងៃទី២៧តុលា បានបាញ់ប្រហារក្នុងព្រះវិហារជ្វីវមួយនៃក្រុង PITTSBURGH រដ្ឋផេនស៊ីលវេនៀ បណ្ដាលឲ្យមនុស្សស្លាប់ដល់ទៅ១១នាក់និងរបួស៦នាក់។ វាជាការបាញ់ប្រហារយ៉ាងបង្ហូរឈាមប្រឆាំងពួកជ្វីវ នៅសហរដ្ឋអាមេរិក…
សហរដ្ឋអាមេរិក ៖ បុរសអាយុ៤៦ឆ្នាំម្នាក់ កាលពីថ្ងៃទី២៧តុលា បានបាញ់ប្រហារក្នុងព្រះវិហារជ្វីវមួយនៃក្រុង PITTSBURGH រដ្ឋផេនស៊ីលវេនៀ បណ្ដាលឲ្យមនុស្សស្លាប់ដល់ទៅ១១នាក់និងរបួស៦នាក់។
វាជាការបាញ់ប្រហារយ៉ាងបង្ហូរឈាមប្រឆាំងពួកជ្វីវ នៅសហរដ្ឋអាមេរិក រយៈពេលប៉ុន្មានទសវត្សចុងក្រោយនេះ ដោយសម្លាប់សាសនិកជ្វីវដល់១១នាក់ ដែលមកជួបជុំគ្នានាពេលសម្រាកប្រចាំសប្ដាហ៍របស់ជ្វីវហៅCHABBAT។
អាជ្ញាធរនិយាយថា ខ្មាន់កាំភ្លើងមានឈ្មោះROBERT BOWERS បានលុកចូលក្នុងព្រះវិហារTREE OF LIFE (ដើមឈើនៃជីវិត) រង្វង់ម៉ោង១០ម៉ោងក្នុងស្រុក។ យោងតាមបណ្ដាសារព័ត៌មានថា ពេលបាញ់រះនាពិធីខួបកំណើតកុមារម្នាក់ជននោះបានស្រែកពាក្យថា ពួកជ្វីវទាំងអស់ត្រូវតែស្លាប់។ គេរាយការណ៍ពីមនុស្សស្លាប់១១នាក់និងរបួស៦នាក់ ក្នុងនោះមានប៉ូលិស៤នាក់។ពុំមានកុមារណាម្នាក់ស្លាប់ឡើយ។
ប្រធានាធិបតីអាមេរិកលោកដូណាល់ត្រាំ តាមTWITTERបញ្ចេញប្រតិកម្មថា ពុំត្រូវមានការអត់ឱនណាមួយ ចំណោះការប្រកាន់សាសនានិយម ឬរូបភាពណាក៏ដោយនៃការចងកំហឹងសាសនានោះទេ។
ខ្មាន់កាំភ្លើងROBERT BOWERS ដែលត្រូវចាប់ខ្លួន បានប្រើកាំភ្លើងស្វ័យប្រវត្តិធុនAR-15 ។លោកJEFF SESSIONSរដ្ឋមន្ត្រីយុត្តិធម៌អាមេរិកនិយាយថា ជននោះប្រឈមមុខការកាត់ទោស ពីបទឧក្រិដ្ឋប្រឆាំងសាសនានិងអាចមានទោសប្រហារជីវិត។ ប៉ូលិសបានបាញ់តតាំងជាមួយគេដើម្បីចាប់ខ្លួន។គេមានកាំភ្លើងវាយលុកមួយដើមព្រមទាំងកាំបិត៣ដើម។យោងតាមអាជ្ញាធរថារូមគេរងរបួសនិងបញ្ជូនទៅមន្ទីរពេទ្យ។
លោកWENDELL HISSRICHនាយកផ្នែកសន្តិសុខក្រុងPITTSBURGH ថ្លែងនៅមុខកាមេរ៉ាថា ឆាកនៃការបាញ់ប្រហារក្នុងព្រះវិហារនោះគឺសែនទារុណបំផុត។វាជាឆាកនៃអំពើឧក្រិដ្ឋយ៉ាងអាក្រក់បំផុត ដែលខ្ញុំពុំធ្លាប់ជួបប្រទះឡើយ វាហាក់ដូចជាគ្រោះថ្នាក់យន្តហោះមួយដូច្នេះដែរ។
ព្រះវិហារជ្វីវTREE OF LIFEនោះកសាងឡើងតាំងពី១៥០ឆ្នាំមកហើយនៅទីក្រុងPITTSBURGH ហើយស្ថិតនៅក្នុងសង្កាត់SQUIRREL HILLដែលមានពួកជ្វីវច្រើននៃទីក្រុងធំនោះរបស់រដ្ឋផេនស៊ីលវេនៀ៕
ចែករំលែកព័តមាននេះ