ខេត្តកំពង់ស្ពឺ ៖ ក្នុងចំណោមកម្មការិនី២នាក់ ក្នុងនោះកម្មការិនីម្នាក់មានផ្ទៃពោះផងបានរងរបួសពេលកំពុងធ្វើការងារកាន់ម៉ាស៊ីនដេរ ស្រាប់តែម៉ាស៊ីនឆ្លងចរន្តបណ្តាលឲ្យឆក់ស្ត្រីរងគ្រោះម្នាក់សន្លប់ ត្រូវបញ្ជូនទៅព្យាបាលនៅមន្ទីរពេទ្យទាន់ពេល ។ ហេតុការណ៍នេះ បានកើតឡើងនៅម៉ោង៧និង៤០នាទីព្រឹកថ្ងៃទី២៧ ខែតុលា…
ខេត្តកំពង់ស្ពឺ ៖ ក្នុងចំណោមកម្មការិនី២នាក់ ក្នុងនោះកម្មការិនីម្នាក់មានផ្ទៃពោះផងបានរងរបួសពេលកំពុងធ្វើការងារកាន់ម៉ាស៊ីនដេរ ស្រាប់តែម៉ាស៊ីនឆ្លងចរន្តបណ្តាលឲ្យឆក់ស្ត្រីរងគ្រោះម្នាក់សន្លប់ ត្រូវបញ្ជូនទៅព្យាបាលនៅមន្ទីរពេទ្យទាន់ពេល ។
ហេតុការណ៍នេះ បានកើតឡើងនៅម៉ោង៧និង៤០នាទីព្រឹកថ្ងៃទី២៧ ខែតុលា ឆ្នាំ២០១៨ ក្នុងរោងចក្រកាត់ដេរសម្លៀកបំពាក់ស្ថិតនៅភូមិក្រាំងពលទេព សង្កាត់រកាធំ ក្រុងច្បារមន។
ជនរងគ្រោះទាំង២នាក់ ម្នាក់ឈ្មោះ រឿន ស្រីលីន អាយុ១៩ឆ្នាំ រស់នៅភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ បណ្តាលឲ្យសន្លប់ និងម្នាក់ទៀងឈ្មោះ ធូ សុខគា អាយុ៣៥ឆ្នាំ មានផ្ទៃពោះ រស់នៅភូមិកំណប់ សង្កាត់ស្វាយក្រវ៉ាន់ ក្រុងច្បារមន ខេត្រកំពង់ស្ពឺ បណ្តាលឲ្យរបួសស្រាល។
ប្រភពព័ត៌មានពីកម្មករបម្រើការនៅរោងចក្រខាងលើ បានប្រាប់សមត្ថកិច្ចថា នៅមុនកើតហេតុ កម្មការិនីទាំងអស់បានចូលធ្វើការតាមកន្លែងរៀងៗខ្លួន គ្មានអ្វីគួរឲ្យភ្ញាក់ផ្អើលនោះទេ ស្រាប់តែដល់ម៉ោងកើតហេតុ ម៉ាស៊ីនដេរ២គ្រឿងបានឆ្លងចរន្ត បណ្តាលឲ្យឆក់នារីនៅលីវម្នាក់សន្លប់ និងស្ត្រីមានផ្ទៃពោះម្នាក់ទៀតរងរបួសស្រាល។
ក្រោយកើតហេតុ តំណាងរោងចក្រ បានប្រញាប់បញ្ជូនស្ត្រីរងគ្រោះទាំង២នាក់ ទៅព្យាបាលនៅមន្ទីរពេទ្យបង្អែកខេត្ត ជួយសង្គ្រោះអាយុជីវិតទាន់ពេលវេលា។ចំណែកកូនក្នុងផ្ទៃ ត្រូវរង់ចាំលោកគ្រូពេទ្យ អេកូពោះសិន។
នៅព្រឹកថ្ងៃទី២៨ តុលា ២០១៨នេះដែរ បើតាមប្រភពពីសមត្ថកិច្ចបាននិយាយថា ខាងភាគីតំណាងរោងចក្រហាក់បីដូចជាមិនចង់សហការអោយសមត្ថកិច្ចជំនាញចុះទៅពិនិត្យកន្លែងកើតហេតុនោះទេ មិនតែប៉ុណ្ណោះមានបំណងចង់បិទបាំងព័ត៌មិនអោយលេចឮមកខាងក្រៅថែមទៀតផង តែដោយសារមានបញ្ជាពីព្រះរាជអាជ្ញា កុំអីចិនមិនអោយសមត្ថកិចចូលទៅពិនិត្យឡើយ៕
ចែករំលែកព័តមាននេះ