រាជធានីភ្នំពេញ ៖ គណបក្សប្រជាជនកម្ពុជា (CPP) នឹងធ្វើម្ចាស់ផ្ទះរៀបចំសម្ភោធជាផ្លូវការនូវក្រុមប្រឹក្សាវប្បធម៌អាស៊ីនៅដើមឆ្នាំ២០១៩ ក្រោមវត្តមានសម្តេចតេជោ ហ៊ុន សែន ជាប្រធានស្ថាបនិកកិត្តសយ ។
ការសម្ភោធផ្លូវការនេះ បន្ទាប់ពីគណបក្សប្រជាជនកម្ពុជាបានចូលរួមសន្និសីទអន្តរជាតិនៃគណបក្សនយោបាយអាស៊ី (ICAPP) លើកទី១០ នៅទីក្រុងម៉ូស្គូ សហព័ន្ធរុស្ស៊ី ដោយលើក យកប្រធានបទធំចំនួនពីរគឺទី១- តួនាទីរបស់គណបក្សនយោបាយនៅក្នុងការកាត់បន្ថយភាព តានតឹងអន្តរជាតិ និងការប្រយុទ្ធប្រឆាំងនឹងភាពជ្រុលនិយម ។ ទី២- សារៈសំខាន់នៃកិច្ចសហប្រតិបត្តិការរវាងគណបក្សនយោបាយអាស៊ីនៅក្នុងការបង្កើត និងអភិវឌ្ឍន៍ចំណងនយោបា យសេដ្ឋកិច្ច និងសង្គមរវាងរដ្ឋ និងរដ្ឋ ។
លោកស្រី ឃួន សុដារី អនុប្រធានគណៈកម្មាធិការអចិន្ត្រៃយ៍ICAPP និងជាអនុប្រធានសភា បានឲ្យដឹងនៅក្នុងសន្នីសីទសារព័ត៌មាន ក្រោយពីចូលរួមកិច្ចប្រជុំមហាសន្និបាត ICAPP នៅព្រឹកថ្ងៃទី២៨ តុលានៅអាកាសយានដ្ឋានអន្តរជាតិភ្នំពេញថា មហាសន្និបាតនៅទីក្រុងម៉ូស្គូលបានសម្រេចចេញថ្លែងការណ៍រួម និងបានអនុម័យជាឯកច្ឆ័នស្វាគមន៍ចំពោះការសម្រេចចិត្តរបស់គណបក្សប្រជាជនកម្ពុជាត្រៀមទទួលរៀបចំពិធីសម្ភោធជាផ្លូវការនូវក្រុមប្រឹក្សាវប្បធម៌អាស៊ី (ACC) នៅក្រុងភ្នំពេញ នៅថ្ងៃទី១១-១២ ខែកុម្ភៈ ឆ្នាំ២០១៩ ក្រោមអធិបតីភាពសម្តេច តេជោ ហ៊ុន សែន ។
លោកស្រីបន្តថា ថ្លែងការណ៍ក៏បានបញ្ជាក់ថា អធិបតេយ្យបូរណភាពទឹកដីឯករាជ្យនយោបាយសមភាពរបស់រដ្ឋទាំងអស់ការដោះស្រាយដោយសន្តិវិធីនៃជម្លោះអន្តរជាតិការមិន ជ្រៀតជ្រែកកិច្ចការផ្ទៃក្នុង និងឯកភាពគ្នា គឺជាមូលដ្ឋានគ្រឹះនៃគោលការណ៍រួម ICAPP ។ លើ សពីនេះថ្លែងការណ៍ក៏បានឆ្លុះបញ្ចាំងថា ការកើនឡើងនៃភាពជ្រុលនិយម និងអំពើហិង្សាបានបន្តគំរាមកំហែងយ៉ាងខ្លាំងដល់សន្តិភាព និងសន្តិសុខអន្តរជាតិ ។ ប្រទេសទាំងអស់អាចបំបា ត់នូវនិន្នាការអវិជ្ជមានតាមរយៈកិច្ចសហប្រតិបត្តិការប្រកបដោយចីរភាព និងទូលំទូលាយក្នុងចំណោមគណបក្សនយោបាយ និងរដ្ឋាភិបាល ។ លោកស្រីក៏បានលើកឡើងថា ទទួលបានរៀបចំ ACC នេះដោយសារមានការខិតខំរបស់រាជរដ្ឋាភិបាលក្នុងការចូលរួមវេទិការអន្តរជាតិជាបន្តបន្ទាប់ ពិសេសនោះការធ្វើការផ្ទាល់ជាមួយអង្គការយូណេស្គូ ។ សម្រាប់ការធ្វើម្ចាស់ផ្ទះរបស់គណបក្សប្រជាជនកម្ពុជានៅដើមឆ្នាំ២០១៩ខាងមុខនេះ លោកស្រី ឃួន សុដារី ក៏បានឲ្យដឹងគណបក្សនយោបាយចំនួន៧០មកពី៣៦ប្រទេសបានចេញសេចក្តីថ្លែងការណ៍ទីក្រុងម៉ូស្គូ នៅប្រទេសរុស្ស៉ី ស្វាគមន៍ចំពោះគណបក្សប្រជាជនកម្ពុជាដែលត្រៀមធ្វើជាម្ចាស់ផ្ទះរៀបចំពិធីសម្ពោធជាផ្លូវការនូវក្រុមប្រឹក្សាវប្បធម៌អាស៊ី (ACC) នៅទីក្រុងភ្នំ ពេញ ក្នុងឆ្នាំ២០១៩ ខាងមុខនេះ ។
សូមជម្រាបថា លោកស្រី ឃួន សុដាវីឃួន សុដារីដឹកនាំដឹកនាំគណៈប្រតិភូគណបក្សប្រជាជនកម្ពុជាចូលរួមមហាសន្និបាតលើកទី១០របស់សន្និសីទអន្តរជាតិនៃគណប្រជាជន នយោបាយអាស៊ី (ICAPP) នៅទីក្រុងម៉ូស្គូ សហព័ន្ទរុស្ស៉ីចាប់ពីថ្ងៃទី២៤ ដល់ថ្ងៃទី២៧ ខែតុ លា ឆ្នាំ២០១៨ ។ មហាសន្និបាត ICAPP លើកទី១០នេះត្រូវបានចូលរួមដោយប្រតិភូចំនួន៤០០នាក់មកពីគណបក្សនយោបាយចំនួន៧០ និងមកពី៣៦ប្រទេស ។ មហាសន្និបាតត្រូវបានទទួលរៀបចំដោយគណបក្សរួបរួមរបស់រុស្ស៉ីដែលត្រូវបានតំណាងដោយថ្នាក់ដឹកនាំរប ស់គណបក្សដែលរួមមាន លោក Dmity Medvedev នាយករដ្ឋមន្ត្រីនៃសហព័ន្ទរុស្ស៉ីដែលបានចូ លរួមបិទមហាសន្និបាតនៅថ្ងៃទី២៦ តុលាកន្លងមកផងដែរ ៕
ចែករំលែកព័តមាននេះ