ករណីម្នាក់ចាំមើលផ្លូវ… ម្នាក់ទៀតចូលធ្វើអីៗនោះបានស្លា.ប់ហើយ (មានវីដេអូ)
- ភ្នំពេញ
រាជធានីភ្នំពេញ ៖ ទីបំផុតយុវជនសង្ស័យម្នាក់ដែលចូលទៅធ្វើសកម្មភាពគាស់ផ្ទះមួយកន្លែងលួចយកលុយហើយត្រូវប្រជាពលរដ្ឋចាប់បានវាយ បណ្ដាលឲ្យរងរបួសធ្ងន់នោះបានស្លាប់បាត់បង់ជីវិតហើយ។ បន្ទាប់ឃុំខ្លួនបណ្ដោះអាសន្ននៅផ្នែកព្រហ្មទណ្ឌនគរបាលខណ្ឌពោធិ៍សែនជ័យ រយៈពេល១ថ្ងៃ ហើយនគរបាលបានបញ្ជូនទៅព្យាបាលនៅមន្ទីរពេទ្យជាបន្តបន្ទាប់ដែរ ប៉ុន្តែនៅតែមិនអាចសង្គ្រោះបានដដែល។ តាមប្រភព័ត៌មានឲ្យដឹងថា យុវជនសង្ស័យខាងលើនោះឈ្មោះ…
តាមប្រភព័ត៌មានឲ្យដឹងថា យុវជនសង្ស័យខាងលើនោះឈ្មោះ ចែម រដ្ឋា អាយុ២៣ឆ្នាំ ស្នាក់នៅបន្ទប់ជួលលេខ៧ ភូមិឫស្សី សង្កាត់ស្ទឹងមានជ័យ២ ខណ្ឌមានជ័យ បានស្លាប់ខណៈពេលដែលនគរបាលដឹកតាមរថយន្តនាំទៅសង្គ្រោះនៅមន្ទីរពេទ្យបង្អែកពោធិ៍ចិនតុង ភូមិតាងួន សង្កាត់កាកាប១ ខណ្ឌពោធិ៍សែនជ័យ កាលពីម៉ោង១០និង៣០នាទីព្រឹក ថ្ងៃទី២៧ ខែតុលា ឆ្នាំ២០១៨ ។
ប្រភពដដែលបន្តទៀតថា ក្រោយមកនគរបាលបានដឹកសាកសពទៅកាន់វត្តពោធិ៍ចិនតុងដែលមានទីតាំងស្ថិតនៅខាងក្រោយផ្សារពោធិ៍ចិនតុង ភូមិប៉ប្រកខាងជើង សង្កាត់កាកាប១ព្រមទាំងបានរាយការណ៍ជូននគរបាលការិយាល័យបច្ចេកទេសនៃស្នងការដ្ឋាននគរបាលរាជធានីភ្នំពេញ ចុះទៅធ្វើការពិនិត្យកោសល្យវិច័យ។ ជាលទ្ធផលនគរបាលពិនិត្យឃើញជនសង្ស័យត្រូវប្រជាពលរដ្ឋវាយឲ្យរងរបួសក្បាលធ្ងន់ធ្ងរ ប៉ុន្តែមិនមានស្លាកស្នាមចេញឈាមនោះឡើយ។
ចែករំលែកព័តមាននេះ