រាជធានីភ្នំពេញ ៖ ស្ត្រីម្នាក់ខណៈឈឺពោះជិតសម្រាលកូន ក៏ដើរទៅរករ៉ឺម៉កម៉ូតូ ដើម្បីជិះទៅមន្ទីរពេទ្យ តែមិនទាន់ទាំងបានទៅពិនិត្យផង ស្រាប់តែសម្រាលកូននៅតាមផ្លូវតែម្តង ។ ករណីនេះ បង្កឲ្យមានការភ្ញាក់…
រាជធានីភ្នំពេញ ៖ ស្ត្រីម្នាក់ខណៈឈឺពោះជិតសម្រាលកូន ក៏ដើរទៅរករ៉ឺម៉កម៉ូតូ ដើម្បីជិះទៅមន្ទីរពេទ្យ តែមិនទាន់ទាំងបានទៅពិនិត្យផង ស្រាប់តែសម្រាលកូននៅតាមផ្លូវតែម្តង ។ ករណីនេះ បង្កឲ្យមានការភ្ញាក់ ផ្អើលឡើងកាលពីវេលាម៉ោង១០និង៣០នាទីយប់ថ្ងៃទី២៥ ខែតុលា នៅចំណុចកែងរវាងផ្លូវលេខ១៥និងផ្លូវលេខ១១៨ មុខផ្ទះបោកអ៊ុតមួយ ស្ថិតក្នុងសង្កាត់ផ្សារចាស់ ខណ្ឌដូនពេញ ។
តាមប្រភពព័ត៌មានបានឲ្យដឹងថា ស្ត្រីរូបនេះដែលគេមិនស្គាល់អត្តសញ្ញាណ មានអាយុប្រមាណ២៥ទៅ២៦ឆ្នាំ ដែលឈឺពោះជិតសម្រាលកូន បានដើរចេញពីបន្ទប់ជួលដើម្បីរករ៉ឺម៉កម៉ូតូជិះទៅមន្ទីរពេទ្យ ។
ខណៈដើរមកដល់មាត់ផ្លូវ ក៏ស្រាប់តែឈឺពោះសម្រាលកូនចេញមកតែក្បាល ធ្វើឲ្យស្ត្រីរូបនេះស្រែកយ៉ាងខ្លាំងឲ្យអ្នកជិតខាងជួយ ។ ទោះជាយ៉ាងណា មិនឃើញវត្តមានរថយន្តសង្គ្រោះមកភ្លាមៗទេ គឺត្រូវរង់ចាំប្រមាណជាងកន្លះម៉ោងទើបឃើញរថយន្តសង្គ្រោះមកដល់ដឹកយកទៅមន្ទីរពេទ្យកាល់ម៉ែតទាំងកូនមិនទាន់សម្រាលផុតមកផង ។
តាមប្រភពព័ត៌មានពីអ្នកជិតខាងនិយាយថា ប្តីរបស់ស្ត្រីដែលសម្រាលកូនតាមផ្លូវនេះ សព្វថ្ងៃនៅឯខេត្ត កំពង់ចាម ចំណែកនាងស្នាក់នៅបន្ទប់ជួលតែម្នាក់ឯង ។ នេះជាការឆកល្វែងរបស់ក្រុមគ្រួសារនិងបុរស
ជាប្តី ខណៈដែលនាងគ្រប់ខែរង់ចាំតែថ្ងៃសម្រាល មិនគួរទុកឲ្យនៅតែម្នាក់ឯងបែបនេះឡើយ ៕
ចែករំលែកព័តមាននេះ