រាជធានីភ្នំពេញ ៖ នៅរាជបណ្ឌិត្យ សភាកម្ពុជា នាថ្ងៃទី១៤ មិថុនា ឆ្នាំ២០១០ វេលាម៉ោង៣រសៀល បេក្ខបណ្ឌិត ជា មុនី ឫទ្ធិ និស្សិតបណ្ឌិតអាហារូបករណ៍ឯកទេស ទស្សនវិជ្ជា ជំនាន់ទី១ នៃរាជបណ្ឌិត្យសភា កម្ពុជា បានការពារសាកល្បងនិក្ខេបបទ ទស្សនវិជ្ជាស្ដីពី “តំលៃមនុស្សក្នុងសង្គមខ្មែរ នាសម័យពហុវប្បធម៌” ក្រោមការដឹកនាំ របស់លោកជំទាវបណ្ឌិត ខ្លូត ធីតា និងការ វាយតំលៃពីលោកបណ្ឌិត ធ សោ, លោក បណ្ឌិត ស៊ុំ ឈុំប៊ុន, លោកបណ្ឌិត អ៊ីវ ច័ន និង លោកបណ្ឌិត សោម សុមុនី ។ ឆ្លងកាត់រយៈ ការសិក្សាស្រាវជ្រាវបេក្ខបណ្ឌិត ជា មុនីឫទ្ធិ បានអះអាងថា តំលៃមនុស្សគឺជាសេចក្ដីថ្លៃ ថ្លូររបស់មនុស្ស ។ កត្ដាដែលនាំឱ្យមានការ ស្រុតចុះនៃតំលៃមនុស្ស រួមមាន ១-ឥទ្ធិពល នៃសង្គ្រាម ២-សំភារនិយម និង៣-ការ ស្រុតចុះនៃសីលធម៌ ។
ពេលនេះ ប្រទេសទាំងអស់នៅក្នុងពិភព លោករួបរួមសហការ និងកសាងមូលដ្ឋានសន្ដិ ភាព ភាតរភាព និងមិត្ដភាព ។ គំនិតឈ្លាន ពានលុកលុយពីប្រទេសមួយទៅប្រទេសមួយ ជាគំនិតអន់ថយ ។ ការពង្រឹង និងពង្រីកអត្ថិ ភាពរបស់ខ្លួនជាមួយប្រជាជាតិដទៃ ដើម្បី សន្ដិសហវិជ្ជមាន គឺជាកត្ដាចាំបាច់មិនអាចខ្វះ បានឡើយ ។ ការលើកតំលៃមនុស្សជាយន្ដ ការចាំបាច់ និងបន្ទាន់ខ្លាំងណាស់ក្នុុងការផ្ដល់ ឱ្យបុគ្គល និងសង្គមស្ថិតនៅក្នុងសន្ដិភាព និយាយរួម នៅក្នុងសង្គមកម្ពុជា និយាយ ដោយឡែក ។ ជាទីបញ្ចប់ សាស្ដ្រចារ្យវាយតំលៃទាំង អស់បានសំរេចឱ្យបេក្ខបណ្ឌិត ជា មុនីឫទ្ធិ ពិភាក្សាជាមួយសាស្ដ្រចារ្យដឹកនាំ ដើម្បីរៀប ចំកិច្ចការពារនិក្ខេបបទរបស់ខ្លួនបញ្ចប់នា ពេលខាងមុខ ។
ចែករំលែកព័តមាននេះ