ករណីនេះមានអ្វីមិនប្រក្រតីបានជាលោកនាយរងប៉ុស្តិ៍ចោមចៅ៣ធ្វើអញ្ចឹង
- ភ្នំពេញ
រាជធានីភ្នំពេញ ៖ បុរសម្នាក់ត្រូវចោរលួចម៉ូតូបាត់៣ថ្ងៃខំដើរស្វែងរកប្រទះឃើញម៉ូតូរបស់ខ្លួនត្រូវជនសង្ស័យយកទៅផ្ញើរនៅក្នុងផ្សារ បានប្តឹងសមត្ថកិច្ចដើម្បីអោយជួយសហការ ពេលអ្នកសារព័ត៌មានទៅថតបែរជាលោកនាយរងប៉ុស្តិ៍ចោមចៅ៣មិនអោយអ្នកព័ត៌មានថតរូបភាព ហើយចោទប្រកាន់ថា អ្នកព័ត៌មានចូលដៃជាមួយក្រុមចោរទៅវិញ បង្កឲ្យមានការភ្ញាក់ផ្អើលកាលពីវេលាម៉ោង៨និង៤០នាទីយប់ថ្ងៃទី២៦ ខែតុលា ឆ្នាំ២០១៨ ស្ថិតនៅក្នុងផ្សារឯករាជ្យ២ ភូមិ ព្រៃព្រីងខាងជើង សង្កាត់ចោមចៅ៣ ខណ្ឌពោធិ៍សែនជ័យ ។ តាមប្រភពព័ត៌មានបានបង្ហើបអោយដឹងថា យប់ថ្ងៃទី២៣ ខែតុលា ឆ្នាំ២០១៨ ជនរងគ្រោះបានបាត់ម៉ូតូមួយគ្រឿងជាម៉ូតូធំម៉ាក CBR ពណ៌ក្រហម ជនសង្ស័យបានដូរផ្លាកលេខថ្មី…
តាមប្រភពព័ត៌មានបានបង្ហើបអោយដឹងថា យប់ថ្ងៃទី២៣ ខែតុលា ឆ្នាំ២០១៨ ជនរងគ្រោះបានបាត់ម៉ូតូមួយគ្រឿងជាម៉ូតូធំម៉ាក CBR ពណ៌ក្រហម ជនសង្ស័យបានដូរផ្លាកលេខថ្មី ភ្នំពេញ FY -0087 នៅសង្កាត់កំបូល ខណ្ឌពោធិ៍សែនជ័យ ដោយជនរងគ្រោះបានទៅដាក់ពាក្យបណ្ដឹងរួចហើយ ជនរងគ្រោះបានដើររកគ្រប់កន្លែងក៏បានប្រទះឃើញម៉ូតូរបស់ខ្លួនត្រូវជនសង្ស័យលួចយកទៅផ្ញើរនៅកន្លែងផ្ញើរម៉ូតូក្នុងផ្សារឯករាជ្យ២ ដែលស្ថិតនៅភូមិព្រៃព្រីងខាងជើង សង្កាត់ចោមចៅ៣ ខណ្ឌពោធិ៍សែនជ័យ ។
បន្ទាប់មកជនរងគ្រោះបានទៅប្តឹងសមត្ថកិច្ចមូលដ្ឋានដើម្បីអោយជួយសហការដោយមានសមត្ថកិច្ចអន្តរាគមន៍ខណ្ឌពោធិ៍សែនជ័យ និងនគរបាលប៉ុស្តិ៍ចោមចៅ៣ ដើម្បីចុះទៅយកម៉ូតូអោយជនរងគ្រោះវិញ ខណៈដែលសមត្ថកិច្ចកំពុងឆែកមើលឯកសារដើម្បីផ្ទៀងផ្ទាត់ម៉ូតូរបស់ជនរងគ្រោះ ។
ស្រាប់តែលោកនាយរងប៉ុស្តិ៍ចោមចៅ៣ជាម្ចាស់មូលដ្ឋានឃើញអ្នកព័ត៌មានថតរូបភាពបែរជានិយាយខ្លាំងនៅកណ្តាលចំណោមមនុស្សម្នាចោមរោមមើលជាច្រើននាក់ថា អ្នកសារព័ត៌មានចូលដៃជាមួយក្រុមចោរ និងជាអ្នកផ្តល់ព័ត៌មានអោយក្រុមចោរទៅវិញ ភ្លាមៗនោះលោកនាយរងប៉ុស្តិ៍រូបនោះបានបញ្ជាឲ្យសមត្ថកិច្ចយកម៉ូតូចេញពីទីតាំងខាងលើ មិនអោយអ្នកព័ត៌មានថតបន្តទៀត ។
សូម្បីតែម្ចាស់ម៉ូតូដែលជាជនរងគ្រោះក៏មិនឲ្យប្រាប់អ្នកយកព័ត៌មានដែរដោយលោកសមត្ថកិច្ចបានយកម៉ូតូចេញយ៉ាងប្រញាប់ប្រញាល់ដើម្បីយកទៅប៉ុស្តិ៍ខ្លាចអ្នកព័ត៌មានថតបន្តទៀតធ្វើឲ្យប្រជាពលរដ្ឋ និងអ្នកសារព័ត៌មានឆ្ងល់ថា ហេតុអីបានជាលោកសមត្ថកិច្ចធ្វើបែបនេះទៅវិញ?
ចែករំលែកព័តមាននេះ