ខេត្តកំពង់ចាម ៖ កម្លាំងសមត្ថកិច្ចចម្រុះក្នុងនោះមាន នគរបាលខេត្តកំពង់ចាម នាយកដ្ឋានសន្តិសុខផ្ទៃក្នុង នាយកដ្ឋានគរបាលព្រហ្មទណ្ឌ និងអាជ្ញាធរមូលដ្ឋានដោយបានតាមប្រមាញ់ក្រុមជនឆបោកដែល ក្លែងបន្លំធ្វើជាភ្នាក់ងារវីង (Wing )។…
ខេត្តកំពង់ចាម ៖ កម្លាំងសមត្ថកិច្ចចម្រុះក្នុងនោះមាន នគរបាលខេត្តកំពង់ចាម នាយកដ្ឋានសន្តិសុខផ្ទៃក្នុង នាយកដ្ឋានគរបាលព្រហ្មទណ្ឌ និងអាជ្ញាធរមូលដ្ឋានដោយបានតាមប្រមាញ់ក្រុមជនឆបោកដែល
ក្លែងបន្លំធ្វើជាភ្នាក់ងារវីង (Wing )។ តាមប្រកួចជាប់មួយសម្បុកមានគ្នារហូតដល់ទៅចំនួន៦នាក់ នៅវេលាម៉ោង១១ព្រឹក ថ្ងៃទី២៦ តុលា ២០១៨ ដែលកំពុងតែស្នាក់នៅផ្ទះជួលមួយកន្លែងចំណុចទំនប់ទឹក២
សង្កាត់ស្ទឹងមានជ័យ រាជធានីភ្នំពេញ។ ការចុះឃាត់ខ្លួននេះត្រូវបានធ្វើឡើង តាមការណែនាំរបស់លោ
ក ហួត វុទ្ធី ព្រះរាជអាជ្ញាអមសាលាដំបូងខេត្ត។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្ត ទទួលផែនព្រហ្មទណ្ឌបានឲ្យដឹងថា ក្រុមជនឆបោកទាំងនោះមាន ១-ឈ្មោះ សាន វណ្ណនី ភេទប្រុស អាយុ៣០ឆ្នាំ ស្នាក់នៅភូមិត្នោតជ្រុំ សង្កាត់បឹងទំពុន២ ខណ្ឌមានជ័យ (ដនដៃដល់) ២-ឈ្មោះ សាង សុភាព ភេទស្រី អាយុ៣៥ឆ្នាំ ស្នាក់នៅផ្ទះទល់មុខផ្សារសុវណ្ណា សង្កាត់ទំនប់ទឹក២ ខណ្ឌចម្ការមន (ជនដៃដល់) ៣-ឈ្មោះ ចាន់ ការាន់ ភេទប្រុស អាយុ៣៤ឆ្នាំ ស្នាក់នៅផ្ទះជួល សង្កាត់ដង្កោ ខណ្ឌដង្កោ រាជធានីភ្នំពេញ ៤ -ណា ប៉ូលី ភេទប្រុស អាយុ៣៣ឆ្នាំ នៅសង្កាត់បឹងទំពុន២ ខណ្ឌមានជ័យ ៥-ឈ្មោះ អាស អារីវ៉ាន់ទី ភេទប្រុស អាយុ២៤ឆ្នាំខ្មែរឥស្លាម ស្នាក់នៅភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ ៦-ឈ្មោះ លឹម សុខហេង ភេទប្រុស អាយុ៣៧ឆ្នាំ នៅភូមិត្នោតជ្រុំ សង្កាត់បឹងទំពុន២ ខណ្ឌមានជ័យ រាជធានីភ្នំពេញ។
លោកឧត្តមសេនីយ៍ត្រី ហេង វុទ្ធី ស្នងការរងនគរបាលខេត្តបន្តថា ក្នុងប្រតិបត្តិការបង្ក្រាបានក្រុមឆបោក
ខាងលើនេះដោយមានការចង្អុលបង្ហាញពីសំណាក់លោកឧត្តមសេនីយ៍ទោ ឯម កុសល ស្នងការនគរ
បាលខេត្តផងដែរ។ ក្រោយពីបានឃាត់ខ្លួនបន្តបន្ទាប់ទាំងសម្បុកនេះ ក៏នាំខ្លួនមកកាន់នាយដ្ឋានព្រហ្ម
ទណ្ឌ និងបានប្រគល់មកឲ្យកម្លាំងរបស់ស្នងការដ្ឋាននគរបាលខេត្តកំពង់ចាម ដើម្បីចាត់ការបន្តតាមនីតិ
វិធីច្បាប់។ សូមបញ្ជាក់ថា កាលពីថ្ងៃទី០៧ តុលា ២០១៨ ត្រង់ចំណុចផ្ទះរកស៊ីវេរលុយវីងមួយកន្លែងរបស់
ឈ្មោះ ឃួន ហុក ភេទប្រុស អាយុ៤៦ឆ្នាំ នៅភូមិអូរស្វាយកើត ឃុំព្រែកុយ ស្រុកកងមាស មានជនមិន
ស្គាល់អត្តសញ្ញាណម្នាក់ ដោយបានប្រើល្បិចបន្លំធ្វើជាភ្នាក់ងាររបស់ក្រុមហ៊ុនវីង ដោយមកឆបោកអស់
ប្រាក់ចំនួន៣.០០០ដុល្លារ តាមរបៀបណែនាំទៅតាមបច្ចេកទេសទូរស័ព្ទដៃនោះ។
លោកស្នងការរងនគរបាល ខេត្តបញ្ជាក់ថា បន្ទាប់មកម្ចាស់រកស៊ីវីងខាងលើ បានទូរស័ព្ទទៅសួរនាំដល់ក្រុមហ៊ុនវីង ចង់ដឹងការពិតក៏ត្រូវបាន «ក្រុមហ៊ុនតបមកវិញថាបងឯង!ចាញ់បោកគេហើយ» លុះមកដល់ថ្ងៃទី២២ តុលា ២០១៨ នៅវេលាម៉ោង១០ និង២០នាទីព្រឹក ជនឆបោកដដែលបានទូរស័ព្ទមកជនរងគ្រោះម្តងទៀតដោយប្រើស្ទីលដដែល តាមរយៈលេខទូរស័ព្ទ ០១២ ៧៩៥ ៦៦២។
ក្នុងពេលនោះបុរសដែលចាញ់បោកអស់លុយចំនួន៣.០០០ដុល្លារ បានប្រញាប់មកប្តឹងសមត្ថកិច្ចឲ្យជួយអន្តរាគមន៍ស្រាវតាមប្រមាញ់ចាប់ជនឆបោកនោះ។ នៅទីបំផុតក្រោមកិច្ចសហការរបស់កងកម្លាំងចម្រុះ បានតាមប្រមាញ់ក្រុមឆបោកបានរហូតដល់ទៅចំនួន៦នាក់ ដល់រាជធានីភ្នំពេញ និងបាននាំខ្លួនមកដល់ស្នងការដ្ឋាននគរបាលខេត្តដើម្បីចាត់ការតាមនីតិវិធីច្បាប់៕
https://youtu.be/jRkYn_gcJYU
ចែករំលែកព័តមាននេះ