តាមប្រភពព័ត៌មាន Goal បានឲ្យដឹងថា អតីតកីឡាករជើងខ្លាំង Patrick Kluivert បានបង្ហាញពីចំណាប់អារម្មណ៍របស់ខ្លួនទៅលើការទាត់របស់ក្លិប Barcelona ពេលដែលគ្មាន Messi…
តាមប្រភពព័ត៌មាន Goal បានឲ្យដឹងថា អតីតកីឡាករជើងខ្លាំង Patrick Kluivert បានបង្ហាញពីចំណាប់អារម្មណ៍របស់ខ្លួនទៅលើការទាត់របស់ក្លិប Barcelona ពេលដែលគ្មាន Messi ។ រូបគេមានការជឿជាក់ថា Barcelona នឹងគ្មានបញ្ហាណាស់ណាទេ ទោះបីជាគ្មាន Messi នៅលេងក្នុងការប្រកួត Clasico នៅពេលខាងមុខ ។
នៅថ្ងៃអាទិត្យខាងមុខនេះ ក្លិបអ្នកមានបុណ្យ Barcelona នឹងប៉ះគ្នាជាមួយនឹងក្លិបអធិរាជស Real Madrid សម្រាប់ការប្រកួត Clasico ។ លើកនេះគឺខុសគ្នាពីលើកមុនច្រើន ដោយសារតែគ្មានវត្តមានរបស់កីឡាករជើងខ្លាំងដល់ទៅពីរនាក់ ដែលរួមមាន Messi និង Ronaldo។ Messi ត្រូវរបួសបាក់ដៃ រីឯ Ronaldo ទៅ Juventus បាត់ ។
អតីតកីឡាករជើងខ្លាំង Kluivert បានប្រាប់ La Liga Lowdown ថា ៖«វាអាចនឹងឲ្យ Madrid មានឱកាសច្រើន។ ពិតណាស់ថា Messi គឺជាកីឡាករសំខាន់ តែបើទោះបីជាគ្មានរូបគេ Barcelona នៅតែអាចលេងបាន គ្រាន់តែមានភាពលំបាកបន្តិចបន្តួចក្នុងការឈ្នះ» ។
គេបានបន្តថា ៖ «វានឹងពិបាក ព្រោះតែ Messi តែងតែរែកអម្រែកម្នាក់ឯងរាល់ការប្រកួត ហើយបានបញ្ជាក់ជាច្រើនលើកច្រើនសារថារូបគេពិតជាសំខាន់សម្រាប់ក្រុមមែន ។ ខ្ញុំគិតថា ក្លិប Barca នឹងមិនពិបាកខ្លាំងពេកទេ ព្រោះថាក្លិបនេះលេងល្អស្រាប់ ។ តែគេត្រូវមានការផ្លាស់ប្តូរតិចនិកតិចតួច ពេលគ្មាន Messi» ។
តើការប្រកួតរបស់ក្លិបទាំងពីរនេះ នឹងទៅជាយ៉ាងណា ពេលគ្មានជើងខ្លាំងម្ខាងៗរៀងខ្លួន? រង់ចាំទស្សនាទាំងអស់គ្នា!
ចែករំលែកព័តមាននេះ