ប្រទេសអេត្យូពី ៖ សភាអេត្យូពីកាលពីថ្ងៃទី២៥ តុលា បានសម្រេចជ្រើសតាំងជាឯកច្ឆន្ទលោកស្រី SAHLE WORK ZEWDE ជាប្រធានាធិបតីស្ត្រីដំបូងគេរបស់ប្រទេស ក្រោយការលាលែងរបស់ប្រធានាធិបតីមុនមក។…
ប្រទេសអេត្យូពី ៖ សភាអេត្យូពីកាលពីថ្ងៃទី២៥ តុលា បានសម្រេចជ្រើសតាំងជាឯកច្ឆន្ទលោកស្រី SAHLE WORK ZEWDE ជាប្រធានាធិបតីស្ត្រីដំបូងគេរបស់ប្រទេស ក្រោយការលាលែងរបស់ប្រធានាធិបតីមុនមក។
ជាអ្នកការទូតអាជីពលោកស្រី SAHLE WORK ZEWDE អាយុ៦៨ឆ្នាំ ក្លាយជាប្រធានាធិបតីទី៤ របស់អេត្យូពី តាំងពីការអនុម័តរដ្ឋធម្មនុញ្ញឆ្នាំ១៩៩៥មក។ រដ្ឋធម្មនុញ្ញនោះចែងថា ប្រធានាធិបតីមួយរូប អាចគ្រប់គ្រងយ៉ាងច្រើនតែ២អាណត្តិ ដែលមួយអាណត្តិមានរយៈពេល៦ឆ្នាំ។
លោកស្រីរហូតមកទល់ពេលនេះជាតំណាងពិសេសរបស់អគ្គលេខាធិការអង្គការសហប្រជាជាតិប្រចាំសហភាពអាហ្វ្រិក UA។ ពីមុនលោកស្រីជាឯកអគ្គរដ្ឋទូតអេត្យូពីប្រចាំប្រទេសបារាំង ហ្ស៊ីប៊ូទី សេនេហ្គាល់។ លោកស្រីកើតនៅក្រុងអាឌីសអាបេបា ហើយសិក្សានៅប្រទេសបារាំង រួចបច្ចុប្បន្នក្លាយជាប្រមុខរដ្ឋស្ត្រីតែម្នាក់គត់នៅអាហ្វ្រិក។
ក្នុងសុន្ទរកថាចូលកាន់តំណែងលោកស្រី SAHLE WORK ZEWDE សម្ដែងការគាំទ្រចំពោះការកែទម្រង់ របស់នាយករដ្ឋមន្ត្រីថ្មី លោក ABIY AHMED ដែលចូលកាន់តំណែងកាលពីខែមេសា ហើយលោកស្រីសាទរ ជាពិសេសការបញ្ចូលក្នុងរដ្ឋាភិបាលរបស់នាយករដ្ឋមន្ត្រីរូបនោះ នូវនារីដល់ទៅពាក់កណ្ដាល។ទោះជារដ្ឋមន្ត្រីការពារប្រទេសក៏ប្រគល់ឲ្យនារីជាអ្នកគ្រប់គ្រងដែរ៕
ចែករំលែកព័តមាននេះ