«Xinhua» របស់ចិនកាលពីពេលថ្មីៗកន្លងមកផ្សាយថា ក្រុមអ្នកស្រាវជ្រាវរួមរបស់ចិន-អង់គ្លេសបានរកឃើញល្អាង «Karst» ដ៏ធំមួយ ស្ថិតនៅក្នុងរណ្ដៅដែលស្រុត «Nongle» នៅស្រុកហ្វេងសាន តំបន់ស្វយ័តក្វាងស៊ីជួង នាភាគខាងត្បូងប្រទេសចិន ជាប់ព្រំប្រទល់ប្រទេសវៀតណាម ។
ទំហំរបស់ល្អាងដែលរកឃើញនេះមានទំហំដល់ទៅ៦,៧លានម៉ែត្រគូប មានន័យថា វាមានទំហំធំបំផុតនៅលើពិភពលោក ខណៈពេលនៅមាត់រណ្ដៅដែលស្រុតមានអង្កត់ផ្ចិតប្រវែង២០០ម៉ែត្រ និងជម្រៅ១១៨ម៉ែត្រ ។
ក្រុមអ្នកស្រាវជ្រាវចំនួន១៩នាក់បានប្រើបច្ចេកវិទ្យា«3D» ស្គែនរណ្ដៅដែលស្រុត តួល្អាងរាងក្រឡូមនៅខាងក្រោមដី និងប្រទះឃើញថ្មកំបោរក្នុងជម្រៅ១៥០ម៉ែត្រ រួមទាំងផ្លូវទឹកនៅខាងក្រោមដីជាច្រើនខ្សែទៀត ។ ប្រភពរបស់ខ្សែទឹក ថ្មកំបោរ ថ្មដែលដុះសំយុងនៅក្នុងល្អាងត្រូវបានរក្សាទុកបានយ៉ាងល្អ ៕ វីដេអូឃ្លីបដកស្រង់ចេញពី ៖ euronews (in English)
ចែករំលែកព័តមាននេះ