ខេត្តកណ្តាល ៖ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាល នៅថ្ងៃទី២៦ តុលា ២០១៨ បានសម្រេចចេញដីការឃុំខ្លួនជនសង្សយ័ម្នាក់ត្រួវជាប្តីបានប្រើអំពើហិង្សាទៅលើប្រពន្ធ…
ខេត្តកណ្តាល ៖ លោក ផូង វណ្ណ ចៅក្រមស៊ើបសួរសាលាដំបូងខេត្តកណ្តាល នៅថ្ងៃទី២៦ តុលា ២០១៨ បានសម្រេចចេញដីការឃុំខ្លួនជនសង្សយ័ម្នាក់ត្រួវជាប្តីបានប្រើអំពើហិង្សាទៅលើប្រពន្ធ ម្តាយក្មេក និងវាយបំផ្លិចបំផ្លាញទ្រព្យសម្បត្តិ ដាក់ពន្ធនាគារបណ្តោះអាសន្នពីបទប្រើអំពើរហិង្សា ដែលប្រព្រឹត្តនៅថ្ងៃទី២៤ តុលា ២០១៨ កាលពីវេលាម៉ោង ១១និង១៥នាទី នៅភូមិស្វាយមីង ឃុំបារគូ ស្រុកកណ្តាលស្ទឹង ខេត្តកណ្តាល តាមមាត្រា២២២ នៃក្រមព្រហ្មទណ្ឌ ។
ជនសង្ស័យឈ្មោះ ឡាយ អ៊ុយសៀង ភេទប្រុស អាយុ៣៣ឆ្នាំ ត្រូវជាប្តី មុខរបរលក់ថ្នាំពេទ្យ មានទីលំនៅភូមិស្វាយមីង ឃុំបារគូ ស្រុកកណ្តាលស្ទឹង ខេត្តកណ្តាល ។ ចំណែកជនរងគ្រោះជាប្រពន្ធឈ្មោះ អោ រីយ៉ា ភេទស្រី អាយុ៣១ឆ្នាំ មុខរបរលក់ថ្នាំពេទ្យ មានទីលំនៅភូមិ.ឃុំកើតហេតុ និងជនរងគ្រោះជាម្តាយក្មេកឈ្មោះ អោ វណ្ណេត ភេទស្រី អាយុ៧៣ឆ្នាំមុខរបរមេផ្ទះ រស់នៅភូមិ-ឃុំកើតហេតុ។
សូមបញ្ជាក់ថា ជនសង្សយ័ខាងលើធ្លាប់បានប្រើអំពើហិង្សាក្នុងគ្រួសារ និងវាយបំផ្លិចបំផ្លាញទ្រព្យសម្បត្តិក្នុងផ្ទះបណ្តាលឲ្យខូចខាតមួយចំនួនធំដូចជា ទ្វារផ្ទះ ទូថ្នាំពេទ្យចំនួន៦ ថ្នាំពេទ្យមួយចំនួន ព្រមទាំងសម្ភារប្រើប្រាស់ក្នុងផ្ទះជាច្រើន កាលពីថ្ងៃទី១៥ ខែកញ្ញាឆ្នាំ២០១៨ ម្ដងរួចមកហើយ ហើយបានរត់គេចខ្លួននៅពេលដែលឃើញកម្លាំងសមត្ថកិច្ចកងរាជអាវុធហត្ថចុះទៅអន្តរាគមន៏ ។
លុះនៅថ្ងៃទី២៤ ខែតុលា ឆ្នាំ២០១៨ ជនសង្ស័យ បានចូលមកអុកឡុកជេរប្រមាថប្រពន្ធនិងក្រុមគ្រួសារព្រមទាំងយកដុំថ្មមកគប់ និងយកកន្ត្រៃដេញចាក់មកលើជនរងគ្រោះចំនួន២នាក់ខាងលើម្ដងទៀត តែជនរងគ្រោះបានរត់គេចខ្លួនរួចផុតពីគ្រោះថ្នាក់។ ពេលកំពុងធ្វើសកម្មភាពកម្លាំកងរាជអាវុធហត្ថស្រុកកណ្តាលស្ទឹងបានចុះអន្តរាគមន៏ភ្លាមៗ៕
ចែករំលែកព័តមាននេះ