ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងនៅវេលាម៉ោង៧និង៣០នាទីយប់ ថ្ងៃទី២៥ ខែតុលា ឆ្នាំ២០១៨ ដោយសារតែប្រជាពលរដ្ឋ និងក្រុមគ្រួសារបានដើររកបុរសម្នាក់ដែលទៅដាក់មងហើយបាត់ខ្លួនតាំងពីថ្ងៃក៏បានប្រទះឃើញស្លាប់ក្នុងប្រឡាយទឹកបាត់ទៅហើយ ។ ហេតុការនេះបានកើតឡើងនៅភូមិអាឡែង…
ខេត្តកំពង់ឆ្នាំង ៖ មានការភ្ញាក់ផ្អើលមួយបានកើតឡើងនៅវេលាម៉ោង៧និង៣០នាទីយប់ ថ្ងៃទី២៥ ខែតុលា ឆ្នាំ២០១៨ ដោយសារតែប្រជាពលរដ្ឋ និងក្រុមគ្រួសារបានដើររកបុរសម្នាក់ដែលទៅដាក់មងហើយបាត់ខ្លួនតាំងពីថ្ងៃក៏បានប្រទះឃើញស្លាប់ក្នុងប្រឡាយទឹកបាត់ទៅហើយ ។ ហេតុការនេះបានកើតឡើងនៅភូមិអាឡែង ឃុំជ្រៃបាក់ ស្រុករលារប្អៀរ ។
តាមប្រភពពីក្រុមគ្រួសារជនរងគ្រោះបានអោយដឹងថា ជនរងគ្រោះមានឈ្មោះ ថន សុជា អាយុ៣៣ឆ្នាំ មានប្រពន្ឋ និងកូន១នាក់ រស់នៅភូមិ-ឃុំខាងលើ ដោយមុនពេលកើតហេតុបុរសខាងលើបានយកមងដាក់ចាប់ត្រីតាមទម្លាប់ធម្មតា ប៉ុន្តែចាប់តាំងពីម៉ោង៤រសៀលពេលចេញទៅដាក់មងក៏បាត់ឈឹងមិនឃើញមកផ្ទះវិញ ធ្វើអោយក្រុមគ្រួសារមានការព្រួយបារម្មណ៍ ហើយក៏ប្រាប់អ្នកជិតខាងអោយជួយដើររកតាមបឹង ត្រពាំងដែលបុរសរូបនោះធ្លាប់ទៅដាក់មង ប៉ុន្តែមិនឃើញឡើយរហូតដល់ម៉ោង៧និង៣០នាទីយប់ ក៏ស្រាប់តែប្រទះឃើញស្លាប់ក្នុងប្រឡាយទឹកមានចម្ងាយតែប្រមាណ២០០ម៉ែត្រពីផ្ទះជនរងគ្រោះតែប៉ុណ្ណោះ ។
ក្រោយការប្រះឃើញក្រុមគ្រួសារ និងប្រជាពលរដ្ឋក៏បានលើកជនរងគ្រោះមកលំនៅឋានវិញហើយបានរាយការប្រាប់សមត្ថកិច្ច និងបានទៅពិនិត្យធ្វើកោសល្យវិច្ច័យហើយប្រាប់ថា ជនរងគ្រោះពិតជាស្លាប់ដោយសារលង់ទឹកមែន និងបានប្រគល់សពជនរងគ្រោះធ្វើបុណ្យតាមប្រពៃណី ។
សូមបញ្ជាក់ផងដែរថា តាមការបញ្ជាក់ពីស្ត្រីជាប្រពន្ធជនរងគ្រោះប្រាប់ថា ប្តីគាត់មានជម្ងឺតេតាណូសយូរៗម្តងធ្លាប់ប្រកាច់ដែរ គាត់ជាភរិយា និងក្រុមគ្រួសារធ្លាប់ហាមគាត់ដែរ ព្រោះខ្លាចជម្ងឺនេះរើឡើងវិញចំពេលគាត់កំពុងនៅក្នុងទឹកពិតមានគ្រោះថ្នាក់ជាពុំខាន ប៉ុន្តែដោយសារកត្តាជីវភាពប្តីគាត់នៅតែទៅដាក់មងជារៀងរាល់ថ្ងៃ ហើយការស្លាប់របស់ប្តីគាត់គឺសង្ស័យថា ដោយសារជម្ងឺគាត់រើឡើងវិញគ្មានអ្នកជួយទាន់ពេល ៕
ចែករំលែកព័តមាននេះ