៦គ្រួសារកំពុងជួបការលំបាកនៅក្រុងប៉ោយប៉ែត
- បន្ទាយមានជ័យ
ខេត្តបន្ទាយមានជ័យ ៖ ជនពិការដែលជួបការលំបាកចំនួន៦គ្រួសារ ទទួលអំណោយពីចលនាយុវជនកម្ពុជា (ក្រុម១៥៧) នៅថ្ងៃទី២៥ ខែតុលា ឆ្នាំ២០១៨ នៅក្រុងប៉ោយប៉ែត ។…
ខេត្តបន្ទាយមានជ័យ ៖ ជនពិការដែលជួបការលំបាកចំនួន៦គ្រួសារ ទទួលអំណោយពីចលនាយុវជនកម្ពុជា (ក្រុម១៥៧) នៅថ្ងៃទី២៥ ខែតុលា ឆ្នាំ២០១៨ នៅក្រុងប៉ោយប៉ែត ។
លោក គង់ រិទ្ធា ប្រធានចលនាយុវជនកម្ពុជា (ក្រុម១៥៧) ក្រុងប៉ោយប៉ែតបានប្រាប់ថា ជនពិការចំនួន៦គ្រួសារដែលទទួលអំណោយមាន១- ឈ្មោះ ខាន់ រស់ ភេទស្រី អាយុ៥៨ឆ្នាំ (ពិការភ្នែកទាំងពីរ) រស់នៅជាមួយបងប្រុសពិការជើង ២-ឈ្មោះ ភិន ផល ភេទស្រី អាយុ៧១ឆ្នាំ (មុខរបបរើសអេតចាយ) ចិញ្ចឹមកូនប្រុសពិការជើង មានជំងឺដំបៅដងខ្លួន ៣-ឈ្មោះ ង៉ែត ខូន ភេទស្រី អាយុ៦៦ឆ្នាំ (ចាស់ជរា) មុខរបរកាច់ទំពាំងព្រិច និងរើសអេតចាយចិញ្ចឹមចៅ៣នាក់ ៤-ឈ្មោះ សៀ ក្រឹង ភេទប្រុស អាយុ៦១ឆ្នាំ (មានជំងឺដុំគីសសាច់ដំដៃខាងឆ្វេង) ៥-ឈ្មោះ សូត្រ សារ៉ាន់ ភេទប្រុស អាយុ៣៦ឆ្នាំ (ពិការជើងទាំងពីរ) មានប្រពន្ធកូនក្នុងបន្ទុក ៦-ឈ្មោះ កង សូត្រ ភេទប្រុស អាយុ៥៩ឆ្នាំ ជីវភាពជួបការលំបាក ដែលរស់នៅសង្កាត់ផ្សារកណ្តាល និងសង្កាត់-ក្រុងប៉ោយប៉ែត ។
លោកផូរ ស៊ីតាល់ ប្រធានរដ្ឋបាលចលនាយុវជនកម្ពុជា (ក្រុម១៥៧) សាខាខេត្តបន្ទាយមានជ័យ បានបញ្ជាក់ថា ដោយមានការណែនាំពីលោក ម៉ឹង ពន្លក ប្រធានចលនាយុវជនកម្ពុជា(ក្រុម១៥៧) និងលោកចៅ ជីអាន ប្រធានចលនាយុវជនកម្ពុជា (ក្រុម១៥៧) សាខាខេត្តបន្ទាយមានជ័យ ហើយក្រុមចលនាយុវជនកម្ពុជា (ក្រុម១៥៧) ក្រុងប៉ោយប៉ែតបានរៀបចំអំណោយចែកជូនគ្រួសារពិការ និងជួបការលំបាក៦គ្រួសារ ក្នុងក្រុងប៉ោយប៉ែតក្នុង១គ្រួសារទទួលបានមានអង្ករ១ការ៉ុង៥០គីឡូក្រាម មី១កេស ទឹកត្រី ទឹកស៊ីអ៊ីវ១២ដប ត្រីខ១២កំប៉ុង ប្រេងឆា១ដប ប៊ីចេង១កញ្ចប់ ស្កសរ១គីឡូក្រាម អំបិលអ៊ីយ៉ូត៥គីឡូក្រាម សាប៊ូ១កញ្ចប់ ទឹកសុទ្ធ៥យួរ ថវិកា១០ម៉ឺនរៀល និងភេសជ្ជៈតែអូឈីក១យួរ១២ដប ដែលជាអំណោយចូលរួមពីព្រៈតេជគុណចៅអធិការវត្តស្រះត្រាចសង្កាត់-ក្រុងប៉ោយប៉ែត ៕
ចែករំលែកព័តមាននេះ