រាជធានីភ្នំពេញ ៖ កិច្ចសន្យាសាងសង់គម្រោងការពារទឹកជំនន់ និងកែលំអប្រព័ន្ធប្រឡាយលូក្នុងរាជធានីភ្នំពេញ ជំហានទី៤ត្រូវបានចុះហត្ថលេខានៅទីក្រុងតូក្យូ កាលពីថ្ងៃទី២៥ ខែតុលា ឆ្នាំ២០១៨ ។ ប្រភពពីសាលារាជធានីភ្នំពេញបានឲ្យដឹងថា…
រាជធានីភ្នំពេញ ៖ កិច្ចសន្យាសាងសង់គម្រោងការពារទឹកជំនន់ និងកែលំអប្រព័ន្ធប្រឡាយលូក្នុងរាជធានីភ្នំពេញ ជំហានទី៤ត្រូវបានចុះហត្ថលេខានៅទីក្រុងតូក្យូ កាលពីថ្ងៃទី២៥ ខែតុលា ឆ្នាំ២០១៨ ។
ប្រភពពីសាលារាជធានីភ្នំពេញបានឲ្យដឹងថា កិច្ចសន្យានេះចុះហត្ថលេខាដោយលោក នួន ផារ័ត្ន អភិបាលរងរាជធានីភ្នំពេញ និងលោក Katsuhisa KIMURA នាយកចាត់ចែងទូទៅក្រុមហ៊ុន TOA Corporation ។ គម្រោងនេះមានទឹកប្រាក់សរុបប្រមាណ៣០លានដុល្លារអាមេរិកជាជំនួយឥតសំណងរបស់រដ្ឋាភិបាលជប៉ុន តាមរយៈទីភ្នាក់ងារសហប្រតិបត្តិការអន្តរជាតិជប៉ុន JICA ដែលនឹងចាប់ផ្តើមអនុវត្តគម្រោងនៅចុងខែវិច្ឆិកា ឆ្នាំ២០១៨ខាងមុខ ។
គម្រោងដែលត្រូវអនុវត្តរួមមាន ១-ដាក់បណ្តាញលូមេ នៅក្នុងភូមិសាស្ត្រខណ្ឌទួលគោក ប្រវែង៨.២គម ២-ដាក់បណ្តាញលូមេ នៅក្នុងភូមិសាស្ត្រខណ្ឌដូនពេញប្រវែង៤.៤គម ៣-សាងសង់អាងស្តុកទឹកក្រោមដី និងសាងសង់ស្ថានីយបូមទឹក នៅសួនច្បារមុខក្រុមប្រឹក្សាអភិវឌ្ឍន៍កម្ពុជាCDC ៤-តម្លើងរបាមេកានិចស្វ័យប្រវត្តិ ដើម្បីប្រមូលសំរាមនៅមុខផ្លូវបង្ហូរទឹកនៅស្ថានីយបូមទឹកចតុមុខ ព្រះគន្លង់១ ព្រះគន្លង់២ និងផ្សារចាស់ ៥-ផ្តល់រថយន្តបូមទឹកចល័ត ចំនួន២គ្រឿងផងដែរ ៕
ចែករំលែកព័តមាននេះ