ជនជាតិចិន៤នាក់បង្កហិ.ង្សា ធ្វើឲ្យខូចខាតទ្រព្យសម្បត្តិអ្នកដទៃ
- ព្រះសីហនុ
ខេត្តព្រះសីហនុ ៖ នៅថ្ងៃទី២៥ ខែតុលា ឆ្នាំ២០១៨ វេលាម៉ោង១២ និង១០នាទីរំលងអាធ្រាត្រ នៅចំណុចមុខកាស៊ីណូយ៉ាឌូលី ក្រុមទី១៤ ភូមិ៤…
ខេត្តព្រះសីហនុ ៖ នៅថ្ងៃទី២៥ ខែតុលា ឆ្នាំ២០១៨ វេលាម៉ោង១២ និង១០នាទីរំលងអាធ្រាត្រ នៅចំណុចមុខកាស៊ីណូយ៉ាឌូលី ក្រុមទី១៤ ភូមិ៤…
ខេត្តព្រះសីហនុ ៖ នៅថ្ងៃទី២៥ ខែតុលា ឆ្នាំ២០១៨ វេលាម៉ោង១២ និង១០នាទីរំលងអាធ្រាត្រ នៅចំណុចមុខកាស៊ីណូយ៉ាឌូលី ក្រុមទី១៤ ភូមិ៤ សង្កាត់៤ ក្រុង-ខេត្តព្រះសីហនុ មានករណី ហិង្សាដោយចេតនា និងធ្វើឲ្យខូចខាតដោយចេតនាទ្រព្យសម្បត្តិអ្នកដទៃ មួយកើតឡើង បង្កឡើងដោយជនសង្ស័យចំនួន០៤នាក់ ជាជនជាតិចិន បានធ្វើសកម្មភាពប្រើដំបងវាយរថយន្ត ០១គ្រឿង ដែលកំពុងបើក បណ្ដាលឲ្យខូចខាតយ៉ាងដំណំ។
បន្ទាប់ពីបានទទួលដំណឹង ភ្លាមៗនោះកម្លាំងជំនាញផែននគរបាលព្រហ្មទណ្ឌ បានការសហការណ៍ជាមួយកម្លាំងអធិការដ្ឋាន នគរបាលក្រុង និងកម្លាំងការិយាល័យនគរបាលចរាចរណ៍ផ្លូវគោក បានចុះទៅដល់កន្លែងកើតហេតុ និងធ្វើការឃាត់ខ្លួនបានជនសង្ស័យចំនួន០៤នាក់។ ជនរងគ្រោះមានគ្នា០៤នាក់៖ ១-ឈ្មោះ ប៉ាន បញ្ញា ភេទប្រុស អាយុ២៥ឆ្នាំ មុខរបរមន្ត្រីនគរបាលការិយាល័យប្រឆាំងការជួញដូរមនុស្ស មានទីលំនៅ ក្រុម១៥ ភូមិ៣ សង្កាត់៣ ក្រុង-ខេត្តព្រះសីហនុ។ ២-ឈ្មោះ ហង្ស ស៊ន ភេទប្រុស អាយុ៤៥ឆ្នាំ មុខរបរ មន្ត្រីនគរបាលការិយាល័យប្រឆាំងការជួញដូរមនុស្ស មានទីលំនៅភូមិ១ សង្កាត់៣ ក្រុង-ខេត្តព្រះសីហនុ ។
៣-ឈ្មោះ សុន ស៊ី ភេទប្រុស អាយុ៣៤ឆ្នាំ មុខរបរ មន្ត្រីនគរបាលការិយាល័យប្រឆាំងការជួញដូរ មនុស្ស មានទីលំនៅក្រុម៣១ ភូមិ៣ សង្កាត់៣ ក្រុង-ខេត្តព្រះសីហនុ។ ៤-ឈ្មោះ គង់ សៅ ភេទប្រុស អាយុ៣៥ឆ្នាំ មុខរបរ មន្ត្រីនគរបាលការិយាល័យប្រឆាំងការជួញដូរមនុស្ស មានទីលំនៅ ភូមិ៤ សង្កាត់៤ ក្រុង-ខេត្តព្រះសីហនុ។ ជនរងគ្រោះទាំង០៤នាក់ មិនមានរងរបួសអ្វីទេ ប៉ុន្តែបណ្តាលឲ្យ រថយន្ត០១គ្រឿង ម៉ាក កាមរីបាឡែន ពណ៌ស ស្លាកលេខ ភ្នំពេញ ២AP-២៨៦៧ ដែលជនរងគ្រោះជិះ ខូចខាត ( បែកកញ្ចក់ខាងមុខ០១ផ្ទាំង ,កញ្ចក់ចំហៀងផ្នែកខាងឆ្វេង០១ផ្ទាំង , កញ្ចក់មើលក្រោយ ០១ផ្ទាំង និងមានស្នាមក្រពឹតរលាត់ថ្នាំ ជាច្រើនកន្លែងទៀត)។
ជនសង្ស័យចំនួន០៤នាក់៖ ១-ឈ្មោះ FU SONG ភេទប្រុស អាយុ២៧ឆ្នាំ ជនជាតិចិន មុខរបរ ដើរចែកខិតប័ណ្ណ ស្នាក់នៅ ភូមិ៥ សង្កាត់៤ ក្រុង-ខេត្តព្រះសីហនុ។ ២-ឈ្មោះ QING ZHEG GUO ភេទប្រុស អាយុ៣៧ឆ្នាំ ជនជាតិចិន មុខរបរ ដើរចែកខិតប័ណ្ណ ស្នាក់នៅ ភូមិ៥ សង្កាត់៤ ក្រុង-ខេត្តព្រះសីហនុ។ ៣-ឈ្មោះ YANG FEI ភេទប្រុស អាយុ៣៣ឆ្នាំ ជនជាតិចិន មុខរបរដើរចែកខិតប័ណ្ណ ស្នាក់នៅ ភូមិ៥ សង្កាត់៤ ក្រុង-ខេត្តព្រះសីហនុ។
៤-ឈ្មោះ ZHANG HUI ZHENG ភេទប្រុស អាយុ៣១ឆ្នាំ ជនជាតិចិន មុខរបរ ដើរចែកខិតប័ណ្ណ ស្នាក់នៅ ភូមិ៥ សង្កាត់៤ ក្រុង-ខេត្តព្រះសីហនុ។ វត្ថុតាងចាប់យកបាន៖ កាំបិតប៉័ងតោ ចំនួន០២ដើម -ដំបងដែកទីប ចំនួន០៥ដើម -រថយន្តចំនួន ០១គ្រឿង ម៉ាក GREATWALL ពណ៌ស ពាក់ស្លាកលេខ ភ្នំពេញ ២AG-៩៧៤៣។ ករណីនេះ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល កំពុងតែបន្តតាមនីតិវិធី៕
ចែករំលែកព័តមាននេះ