ខេត្តកំពង់ឆ្នាំង ៖ ជនសង្ស័យម្នាក់ត្រូវបានសមត្ថកិច្ចនគរបាលដេញស្ទាក់ចាប់បាននៅវេលាម៉ោង១០ និង ៣០នាទីព្រឹក ថ្ងៃទី២៥ ខែតុលា ឆ្នាំ២០១៨ នៅចំណុចភូមិអណ្ដូងជ្រៃ ឃុំអណ្ដូងស្នាយ…
ខេត្តកំពង់ឆ្នាំង ៖ ជនសង្ស័យម្នាក់ត្រូវបានសមត្ថកិច្ចនគរបាលដេញស្ទាក់ចាប់បាននៅវេលាម៉ោង១០ និង ៣០នាទីព្រឹក ថ្ងៃទី២៥ ខែតុលា ឆ្នាំ២០១៨ នៅចំណុចភូមិអណ្ដូងជ្រៃ ឃុំអណ្ដូងស្នាយ ស្រុករលាប្អៀរ ខណៈដែលជនសង្ស័យរូបនោះបានលួចម៉ូតូគេជិះហើយត្រូវបានម្ចាស់គេដឹងទាន់ស្រែកឲ្យគេជួយ។ សមត្ថកិច្ចនគរបាលបានឲ្យដឹងថា ជនសង្ស័យខាងលើមានឈ្មោះ តែម ណាក់ ភេទប្រុស អាយុ២១ឆ្នាំ មានទីលំនៅមិនប្រាកដ។
មុនពេលកើតហេតុជនសង្ស័យខាងលើបានជិះរថយន្តតាក់ស៊ីពីភ្នំពេញមក ខេត្តកំពង់ឆ្នាំង។ លុះមកដល់ចំណុចកើតហេតុ ក៏បានហៅតាក់ស៊ីឲ្យឈប់ ហើយក៏បានដើរទៅកាច់ក លួចម៉ូតូរបស់ឈ្មោះ រឿសុភា ភេទស្រី អាយុ២៦ឆ្នាំមានទីលំនៅភូមិខ្មែរ ព្រៃខ្មែរឃុំរលាប្អៀរ។
ពេលលួចបានជិះចេញទៅ ស្រាប់តែឈ្មោះ រឿ ឈុនឡា ជាបងប្អូនម្ចាស់ម៉ូតូដឹងទាន់ក៏ស្រែកឆោឡោ ផ្អើលដល់សមត្ថកិច្ចទើបសមត្ថកិច្ចហៅតាមវិទ្យុទាក់ទង ដេញស្ទាក់ចាប់បានចម្ងាយជាង៥គីឡូម៉ែត្រ ពីកន្លែងកើតតែម្តង។ បច្ចុប្បន្នជនសង្ស័យខាងលើត្រូវបានសមត្ថកិច្ចកសាងសំណុំរឿងបញ្ជូនទៅតុលាការ ដើម្បីចាត់កាតតាមផ្លូវច្បាប់៕
ចែករំលែកព័តមាននេះ