ខេត្តស្វាយរៀង ៖ ប្រជាពលរដ្ឋបានរាយកាណ៍ប្រាប់សមត្ថកិច្ចនៅព្រឹកថ្ងៃទី២៥ ខែតុលា ឆ្នាំ២០១៨នេះថា កាលពីថ្ងៃទី២៤ ខែតុលា ឆ្នាំ២០១៨ម្សិលមិញនេះ នៅវេលាម៉ោង១១ និង៣០នាទីព្រឹក មានករណីគួរ ឲ្យសង្ស័យមួយបានកើតឡើងនៅផ្ទះមួយកន្លែងស្ថិតនៅភូមិលៀប ឃុំកណ្ដៀងរាយ ស្រុកស្វាយទាប ដោយមានជនបរទេសម្នាក់ស្លៀកពាក់សម្លៀកបំពាក់ពណ៌ស របៀបអារ៉ាប់ រកខ្ចីទូរសព្ទ័និយាយ ទៅមិត្តភក្តិ និងសុំបាយហូប ហើយសុំលុយចាក់សាំងឡានទៀត។ ពេលម្ចាស់ផ្ទះភ័យ និងខ្លាចចាញ់បោកជនបោកប្រាស់ក៏ទូរសព្ទ័ហៅបងប្អូន និងប្តឹងទៅសមត្ថកិច្ច ជនបរទេសរូបនោះ ដើរឡើងឡានវិញរួចបើកចេញយ៉ាងប្រញាប់ប្រញាល់ហាក់បីដូចជាចេះភាសាខ្មែរច្បាស់។
ប្រភពដដែលបានរាការណ៍បន្តទៀតថា មុនពេលកើតហេតុមានរថយន្ត ឡិចស៊ីស RX-300 មួយគ្រឿង ដែលមានស្លាកលេខ ភ្នំពេញ 2AO-4521 បានបើកចូលមកដល់ក្នុងផ្ទះប្រជាពលរដ្ឋ ដែលមានគ្នាបីបួន នាក់(ប្រុស-ស្រី) នៅផ្ទះកើតហេតុខាងលើ ខណៈនោះជនបរទេសបានចុះពីលើរថយន្ត ដោយមានសម្លៀក បំពាក់ស្លៀកពាក់របៀបពួកអារ៉ាប់ ឬឥណ្ឌាពេលចូលដល់មុខផ្ទះបានសួរពលរដ្ឋថា ចេះនិយាយភាសាអង់គ្លេស ឬអត់ ដោយប្រាប់ទៀតថា ពួកគេជាជនជាតិអារ៉ាប់ហើយបានធ្វើដំណើរ មកពីក្រុងបាវិតហើយបានជ្រុះបាត់កាបូប(ATM,Passport,Smartphone,លុយ,…) ថែមទាំងឥឡូវនេះឡានក៏ជិតអស់សាំងទៀត។
ហើយបានបន្តប្រាប់ទៀតថា ពួកគេមានមិត្តភក្តិនៅខេត្តកំពង់ចាម ភ្នំពេញ… ប៉ុន្តែគ្មានអ្វីទាក់ទងទៅពួកគេទើបសុំខ្ចីទូរស័ព្ទខល សុំអាហារហូប និងសុំលុយខ្លះដើម្បីចាក់សាំងឡានទៅភ្នំពេញ។ ធ្វើឲ្យម្ចាស់ផ្ទះមានការសង្ស័យ ជាជនបោកប្រាស់ឆក់ឱកាស ឬល្បិចរបស់ពួកគេដើម្បីដាក់ថ្នាំ ឬក៏ធ្វើអ្វីផ្សេងទៀតដែលអាចនឹងបង្ក គ្រោះថ្នាក់ម្ចាស់ផ្ទះក៏ថាបាន។ ភ្លាមៗនោះប្រជាពលរដ្ឋម្ចាស់ផ្ទះក៏បានទាក់ទងហៅបងប្អូន និងប្តឹងសមត្ថកិច្ចទើបធ្វើឲ្យស្ថានការណ៍ ដូចជាមិនអំណោយផលដល់ពួកគេ រំពេចនោះពួកគេក៏បានឡើងឡានចេញទៅវិញយ៉ាងលឿន។ ក្នុងករណីនេះប្រជាពលរដ្ឋក៏បានរាយការណ៍ទៅខាងសមត្ថកិច្ចរួចរាល់ហើយដែរ៕
ចែករំលែកព័តមាននេះ