៧ឆ្នាំគ្មានលោកកាដាហ្វី… ប្រទេសក្លាយជាឋាននរក
ប្រទេសលីប៊ី ៖ ថ្ងៃទី២៣ តុលា ចាត់ទុកជាថ្ងៃបញ្ចប់សង្គ្រាមស៊ីវិល ឆ្នាំ២០១១ នៅលីប៊ី ដោយអូតង់ បានជ្រៀតជ្រែកចូលប្រទេសនោះ។ ជាលទ្ធផលការផ្ដួលរំលំរដ្ឋអំណាចរបស់លោកមូអាម៉ា…
ប្រទេសលីប៊ី ៖ ថ្ងៃទី២៣ តុលា ចាត់ទុកជាថ្ងៃបញ្ចប់សង្គ្រាមស៊ីវិល ឆ្នាំ២០១១ នៅលីប៊ី ដោយអូតង់ បានជ្រៀតជ្រែកចូលប្រទេសនោះ។ ជាលទ្ធផលការផ្ដួលរំលំរដ្ឋអំណាចរបស់លោកមូអាម៉ា កាដាហ្វី គឺការផ្ទុះបែករដ្ឋលីប៊ី ដែលមុននេះជារដ្ឋមានសន្តិសុខ និងមានស្ថេរភាពបំផុតមួយ។
នៅក្នុងបទសម្ភាសន៍មួយជាមួយទីភ្នាក់ងារព័ត៌មានរុស្ស៊ី SPUTNIK លោកបូរីស ដុលហ្គូវ នាយកស្រាវជ្រាវនៃមជ្ឈមណ្ឌលសិក្សាពិភពអារ៉ាប់នៃបណ្ឌិតសភាវិទ្យាសាស្ត្ររុស្ស៊ីថ្លែងថា ក្រោយការជ្រៀតជ្រែករបស់អូតង់ចូលក្នុងជម្លោះនៅលីប៊ី រដ្ឋនោះបានផ្ទុះបែកហើយនៅទីនោះគេឃើញមានការតស៊ូដណ្ដើមអំណាចគ្នារបស់កម្លាំងនយោបាយផ្សេងៗ រួមទាំងពួកអ៊ិស្លាមនិយមផង។ តាមលោកដុលហ្គូវថាដំណោះស្រាយមួយនៅលីប៊ីនឹងពុំអាចទៅរួចឆាប់ៗ ឬក្នុង១ឆ្នាំឡើយ។
ចំណែកលោក USEF SHAKIR អ្នកឯកទេសខាងបញ្ហាលីប៊ីនៃទីក្រុងប្រាក បានប្រៀបប្រដូចលីប៊ីទៅនឹងឋាននរក។ លោកថា ពីដើមលីប៊ី ជារដ្ឋមានស្ថេរភាព និងមានសន្តិសុខបំផុតមួយ។ បណ្ដាប្រព័ន្ធរដ្ឋដំណើរការយ៉ាងល្អ ហើយមានការរីកចម្រើនឥតឈប់ឈរ ខណៈបច្ចុប្បន្នចាប់តាំងពី៧ឆ្នាំមកហើយ ភាពជ្រួលច្របល់ ចលាចល និងការភ័យខ្លាចនៅតែមានខ្លាំងក្នុងប្រទេស។ សេដ្ឋកិច្ចរបស់លីប៊ីស្ទើរតែសូន្យ។
ប្រទេសនេះលក់ប្រេងទទួលបានប្រាក់ជាច្រើនពាន់លានដុល្លារ ប៉ុន្តែពុំមានគម្រោងយុទ្ធសាស្ត្រណាមួយត្រូវបានអនុវត្តឡើយ រយៈពេល៧ឆ្នាំសម្រាប់ស្ដារសេដ្ឋកិច្ចរបស់ប្រទេស។ យើងឃើញតែការដណ្ដើមគ្នាយកធនធានរបស់ជាតិ និងការប៉ះទង្គិចបង្ហូរឈាមគ្នា។ ប្រជាជនមានអាវុធក្នុងចំនួនច្រើន ហើយគេហាក់លែងចង់ដឹងឮនរណាស្លាប់ នរណារបួសឡើយ គឺទៅតាមដំណើរ។ លោកថា លីប៊ីពេលនេះប្រៀបដូចជាឋាននរកអវចីដូច្នេះដែរ។ ប្រទេសនេះមានរដ្ឋាភិបាល២ និងសភា២ បែងចែកទឹកដីគ្នាត្រួតត្រា៕
ចែករំលែកព័តមាននេះ