អាមេរិក ៖ តាមប្រភពព័ត៌មាន Metro បានឲ្យដឹងថា បុរសម្នាក់អន្ទង់វែងឆ្នាំងវែង បានប្រើប្រាស់អណ្តាតភ្លើងរំលាយដែកទៅបាញ់សម្លាប់សត្វពីងពាងមួយសំបុក ប៉ុន្តែភ្លាត់ស្នៀតក៏ឆេះផ្ទះខ្លួនឯងទៅវិញ។ បុរសមិនបញ្ចេញឈ្មោះ នៅយាមផ្ទះឲ្យម្តាយឪពុកនៅ…
អាមេរិក ៖ តាមប្រភពព័ត៌មាន Metro បានឲ្យដឹងថា បុរសម្នាក់អន្ទង់វែងឆ្នាំងវែង បានប្រើប្រាស់អណ្តាតភ្លើងរំលាយដែកទៅបាញ់សម្លាប់សត្វពីងពាងមួយសំបុក ប៉ុន្តែភ្លាត់ស្នៀតក៏ឆេះផ្ទះខ្លួនឯងទៅវិញ។
បុរសមិនបញ្ចេញឈ្មោះ នៅយាមផ្ទះឲ្យម្តាយឪពុកនៅ Fresno រដ្ឋកាលីហ្វញ៉ា។ ហើយនៅយប់ថ្ងៃអង្គារនោះ គេបានឃើញពីងពាងមួយសំបុកដែលគិតថា អាចនាំគ្រោះថ្នាក់ដល់ខ្លួន។ ដោយមិនបង្អង់យូរ រូបគេបានប្រើប្រាស់បំពង់ភ្លើងបាញ់រំលាយដែកទៅបាញ់ដាក់ក្រុមគ្រួសារពីងពាង ដើម្បីឲ្យងាប់ដាច់ពូជ។
ជាអកុសល ពូជពីងពាងបានឆេះអស់ ស្របពេលជាមួយនឹងផ្ទះរបស់អ្នកដុតក៏ត្រូវឆេះដែរ។ ដោយឃើញបែបនេះ កូនប្រុសពូកែយាមផ្ទះបានរត់ដាក់មេប្រូចចេញទៅក្រៅដោយសុវត្ថិភាព។ ចំណែកក្រុមពន្លត់អគ្គិភ័យទាំង២៩នាក់បានមកដល់កន្លែងកើតហេតុ ហើយបាញ់ពន្លត់មិនទាន់ពេលវេលាទេ ព្រោះតែផ្ទះបានឆេះដល់ជាន់ទីពីររួចទៅហើយ។
គេនៅមិនទាន់អាចទាញសេចក្តីសន្និដ្ឋានពីមូលហេតុណាមួយជាក់លាក់ជាផ្លូវការនៅឡើយទេ។ តែសម្រាប់គំនិតរបស់ក្រុមពន្លត់អគ្គិភ័យ គេគិតថា វាមកពីបំពង់ភ្លើងរំលាយដែក៕ វីដេអូដកស្រង់ចេញពី ៖ CBS Philly
ចែករំលែកព័តមាននេះ