គណៈរដ្ឋមន្ត្រីគ្រោងប្រជុំពេញអង្គ ពិភាក្សា និងអនុម័តច្បាប់ហិរញ្ញវត្ថុគ្រប់គ្រងឆ្នាំ២០១៩
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនឹងដឹកនាំកិច្ចប្រជុំពេញអង្គ នៅព្រឹកថ្ងៃទី២៦ ខែតុលា ឆ្នាំ២០១៨ នៅវិមានសន្តិភាព…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនឹងដឹកនាំកិច្ចប្រជុំពេញអង្គ នៅព្រឹកថ្ងៃទី២៦ ខែតុលា ឆ្នាំ២០១៨ នៅវិមានសន្តិភាព…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីនឹងដឹកនាំកិច្ចប្រជុំពេញអង្គ នៅព្រឹកថ្ងៃទី២៦ ខែតុលា ឆ្នាំ២០១៨ នៅវិមានសន្តិភាព ដើម្បីពិភាក្សាលើសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០១៩ និងសេចក្តីព្រាងច្បាប់ស្តីពីការទូតទាត់ថវិកាទូទៅសម្រាប់ការគ្រប់គ្រង ឆ្នាំ២០១៧ ។
នេះបើតាមសេចក្តីជូនដំណឹងរបស់គណៈរដ្ឋមន្ត្រីដែលបានបង្ហោះតាមបណ្តាញសង្គមហ្វេសប៊ុក លោកផៃ ស៊ីផាន អ្នកនាំពាក្យរដ្ឋាភិបាល និងរដ្ឋលេខាធិការទីស្តីការគណៈរដ្ឋមន្ត្រី ។ សេចក្តីជូនដំណឹងបានលើកឡើងថា នៅក្នុងសេចក្តីព្រាងច្បាប់ទាំងពីរខាងលើនេះក៏ត្រូវបានឧត្តមក្រុមប្រឹក្សាពីគ្រោះយោបល់ធ្វើកិច្ចប្រជុំពិភាក្សា កាលពីថ្ងៃទី២២ ខែតុលា ឆ្នាំ២០១៨ ក្រោមកិច្ចសម្របសម្រួលរបស់លោក នួន សុខាវី ប្រធានប្រតិភូគណបក្សពន្លឺថ្មី ប្រធានប្តូរវេនប្រចាំខែតុលា។
លោកបណ្ឌិត សភាចារ្យអូនព័ន្ធមុន្នីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុក៏នឹងធ្វើបទអន្តរាគមន៍ស្តីពីទិដ្ឋភាពគោលនយោបាយម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈសម្រាប់ការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០១៩ ។
លោក វង្ស៊ី វិសុត្ស រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុក៏នឹងផ្តល់បទអន្តរាគមន៍ស្តីពីការបរិការណ៍ក្របខណ្ឌ និងគោលនយោបាយនៃការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០១៩ ។ ចំណែកលោក ទេព ភយ្យោរិន្ទ្រ អគ្គនាយកនៃអគ្គនាយកដ្ឋានគោលនយោបាយក្រសួងសេដ្ឋកិច្ច និងហិរញ្ញវត្ថុក៏នឹងធ្វើបទបង្ហាញស្តីពីក្របខណ្ឌម៉ាក្រូសេដ្ឋកិច្ចកម្ពុជា ។
លោកហាវ រតនៈ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋាននៃក្រសួងសេដ្ឋកិច្ច និងហិរញ្ញវត្ថុបានលើកឡើងពីការរៀបចំសេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រង ឆ្នាំ២០១៩ ។
យោងតាមសេចក្តីប្រកាសព័ត៌មានដដែលបានលើកឡើងទៀតថា នេះជាកិច្ចប្រឹក្សា និងផ្តល់យោបល់របស់ឧត្តមប្រឹក្សា និងផ្តល់យោបល់ជូនដល់គណៈរដ្ឋមន្ត្រីដែលជាធាតុផ្សំរួមគ្នាក្នុងកិច្ចកសាង និងអភិវឌ្ឍជាតិ ។ ឧត្តមក្នុងប្រឹក្សាពិគ្រោះ និងផ្តល់យោបល់ជាកិច្ចផ្តួចផ្តើមគំនិតរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក្នុងកិច្ចផ្តល់ឱកាសក្នុងការចូលរួមការងាររដ្ឋដល់គណបក្សនយោបាយគ្មានអាសនៈក្នុងរដ្ឋសភាដែលបានចូលរួមប្រកួតប្រជែងក្នុងការបោះឆ្នោតសាកល នៅថ្ងៃទី២៩ កក្កដា ឆ្នាំ២០១៨ នីតិកាលទី៦កន្លងមក ។
លោកផៃ ស៊ីផានបានសរសេរលើកបណ្តាញសង្គមថា ថ្ងៃទី២៦ ខែតុលា ឆ្នាំ២០១៨ វេលាម៉ោង៨និង៣០នាទីព្រឹកនៅទីស្តីការនាយករដ្ឋមន្ត្រី (វិមានសន្តិភាព) គណៈរដ្ឋមន្ត្រីនឹងបើកកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីពិភាក្សាលើរបៀបវារៈដូចខាងក្រោម ១- សេចក្តីព្រាងច្បាប់ស្តីពីហិរញ្ញវត្ថុ សម្រាប់ការគ្រប់គ្រង ឆ្នាំ២០១៩ ។ ២- សេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋ សម្រាប់ការគ្រប់គ្រង ឆ្នាំ២០១៧ ។ ៣- បញ្ហាផ្សេងៗ សំណើសុំការយល់ព្រមពីគណៈរដ្ឋមន្ត្រី ដើម្បីសុំសច្ចាប័នពីស្ថាប័ននីតិប្បញ្ញត្តិលើ ៣.១ – កិច្ចព្រមព្រៀងស្តីពីការចៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូលរវាងកម្ពុជា-វៀតណាម និងកម្ពុជា-ឥណ្ឌូនេស៊ី ។ ៣.២- សន្ធិសញ្ញារវាងព្រះរាជាណាចក្រកម្ពុជា និងសហព័ន្ធរុស្ស៊ីស្តីពីបត្យាប័ន ។ គណៈរដ្ឋមន្ត្រីបានលើកឡើងថា នៅក្នុងរយៈពេលមធ្យមខាងមុខការអភិវឌ្ឍសង្គមសេដ្ឋកិច្ចកម្ពុជា និងឈានដល់ដំណាក់កាលប្រែប្រួលថ្មីមួយទៀត ជាពិសេសចាប់ពេលនេះរយៈពេល៥ឆ្នាំខាងមុខដែលជាអន្តរៈកាលឆ្ពោះទៅសម្រេចឋានៈប្រទេសមានចំណូលមធ្យមកម្រិតខ្ពស់នៅឆ្នាំ២០៣០ ៕
ចែករំលែកព័តមាននេះ