ប្រទេសចិន ៖ រដ្ឋមន្ត្រីការពារជាតិចិនលោក WEI FENGHE ថ្លែងនាថ្ងៃទី២៥ តុលាថា កងទ័ពចិននឹងធ្វើអ្វីៗទោះជាត្រូវបង់ខាតប៉ុណ្ណា ដើម្បីប្រឆាំងការប៉ុនប៉ងដែលសំដៅបំបែកតៃវ៉ាន់ចេញពីចិន ដែលចាត់ទុកដែនកោះនោះថាជាខេត្តមួយក្នុងចំណោមខេត្តទាំងឡាយរបស់ខ្លួន។…
ប្រទេសចិន ៖ រដ្ឋមន្ត្រីការពារជាតិចិនលោក WEI FENGHE ថ្លែងនាថ្ងៃទី២៥ តុលាថា កងទ័ពចិននឹងធ្វើអ្វីៗទោះជាត្រូវបង់ខាតប៉ុណ្ណា ដើម្បីប្រឆាំងការប៉ុនប៉ងដែលសំដៅបំបែកតៃវ៉ាន់ចេញពីចិន ដែលចាត់ទុកដែនកោះនោះថាជាខេត្តមួយក្នុងចំណោមខេត្តទាំងឡាយរបស់ខ្លួន។
រដ្ឋមន្ត្រីរូបនោះរំឭកថា បញ្ហាតៃវ៉ាន់ទាក់ទិននឹងអធិបតេយ្យភាពព្រមទាំងបូរណភាពដែនដីចិន។ការរំឭកនោះកើតមានក្រោយពីប្រតិបត្តិការជើងទឹកថ្មីមួយ របស់អាមេរិកនៅច្រកសមុទ្រតៃវ៉ាន់ ក្នុងរូបភាពជួយទ្រទ្រង់ដល់កោះតៃវ៉ាន់។
ទំនាក់ទំនងរវាងក្រុងប៉េកាំងនិងក្រុងតៃបិុធ្លាក់ចុះដុនដាប ចាប់តាំងពីការឡើងកាន់អំណាចកាលពីឆ្នាំ២០១៦ របស់ប្រធានាធិបតីតៃវ៉ាន់លោកស្រី TSAI ING WEN ដែលជាអ្នកចង់ឲ្យតៃវ៉ាន់ទទួលបានឯករាជ្យ។ ការទាមទារនេះចិនថា មិនអាចទទួលយកបាន ដោយអះអាងថា ខ្លួននឹងមិនបដិសេធឡើយ ការប្រើកម្លាំងដើម្បីយកតៃវ៉ាន់មកត្រួតត្រា។ រយៈពេលប៉ុន្មានខែចុងក្រោយនេះចិនបានធ្វើការគាបសង្កត់ លើប្រទេសនៅសល់តិចតួចបន្តគាំទ្រតៃវ៉ាន់។
លោកWEI FENGHEបន្តថាចិននឹងពុំបោះបង់ដែនដីខ្លួនមួយសង្ទីម៉ែត្រណាឡើយ។ក្រុងប៉េកាំងប្រឆាំងការបង្ហាញកម្លាំងនិងការបង្កហេតុនៅសមុទ្រចិនខាងត្បូង របស់បណ្ដាបរទេសក្រៅតំបន់ ដែលយកលេសថាការពារសេរីភាពនៃការធ្វើនាវាចរណ៍៕
ចែករំលែកព័តមាននេះ