ប្រទេសជប៉ុន ៖ លោក JUMPEI YASUDA អ្នកកាសែតឯករាជ្យជប៉ុនម្នាក់ ដែលត្រូវបានដោះលែងនាសប្ដាហ៍នេះ ក្រោយស្ថិតក្នុងការបង្ខាំងទុករយៈពេលដល់ជាង៣ឆ្នាំក្នុងដៃពួកជីហាដ នៅស៊ីរី កាលពីថ្ងៃទី២៤ តុលា បានចាកចេញពីតួកគី វិលមកកាន់ប្រទេសលោកវិញហើយ។
ការដោះលែងរូបលោកប្រកាសកាលពីថ្ងៃទី២៣ តុលា ដោយអគ្គលេខាធិការរដ្ឋាភិបាលជប៉ុន ដែលទទួលព័ត៌មាននោះតាមរយៈប្រទេសកាតា។ លោក YASUDA អាយុ៤៤ឆ្នាំត្រូវចាប់ពង្រត់កាលពីខែមិថុនា ឆ្នាំ២០១៥ ក្រោយពីលោកចូលដែនដីស៊ីរីពិប្រទេសតួកគីទៅ។ មកដល់ក្រុង ANTIOCHE ភាគខាងត្បូងតួកគី លោកបានមកដល់ក្រុងអ៊ីស្តង់ប៊ុល ហើយនៅទីនោះលោកឡើងយន្តហោះមកកាន់ក្រុងតូក្យូ។
អាជ្ញាធរជប៉ុនបានថ្លែងអំណរគុណចំពោះប្រទេសកាតា និងតួកគីដែលបានខិតខំជួយឲ្យមានការដោះលែងលោកY ASUDA។ អ្នកនាំពាក្យម្នាក់របស់រដ្ឋាភិបាលជប៉ុនបញ្ជាក់ថា ពុំមានការបង់ប្រាក់លោះណាមួយជាថ្នូរនឹងការដោះលែងអ្នកកាសែតរូបនោះឡើយ។
ក្នុងសេចក្ដីប្រកាសមួយអង្គការអ្នកយកព័ត៌មានគ្មានព្រំដែន សម្ដែងពីការធូរស្បើយអារម្មណ៍ ហើយគូសបញ្ជាក់ថាការដោះលែងរូបគេពិតណាស់កើតមានកាលពីថ្ងៃទី១៩តុលាកន្លងមកនេះ៕
ចែករំលែកព័តមាននេះ