ខេត្តរតនគីរី ៖ ជនសង្ស័ម្នាក់លូចគាស់យកលុយអ្នកភូមិបានជាង១លានរៀល ត្រូវប៉ូលិសចាប់ដាក់ខ្នោះ កាលពីវេលាម៉ោង៤និង៤០នាទីរសៀលថ្ងៃទី២៤ ខែតុលា ឆ្នាំ២០១៨ ស្ថិតនៅភូមិកំពង់ចាម ឃុំប៉ាការឡាន់ ស្រុកវ៉ឺនសៃ…
ខេត្តរតនគីរី ៖ ជនសង្ស័ម្នាក់លូចគាស់យកលុយអ្នកភូមិបានជាង១លានរៀល ត្រូវប៉ូលិសចាប់ដាក់ខ្នោះ កាលពីវេលាម៉ោង៤និង៤០នាទីរសៀលថ្ងៃទី២៤ ខែតុលា ឆ្នាំ២០១៨ ស្ថិតនៅភូមិកំពង់ចាម ឃុំប៉ាការឡាន់ ស្រុកវ៉ឺនសៃ ។
បើតាមរបាយការណ៍របស់សមត្ថកិច្ចប៉ូលិសមូលដ្ឋានបានអោយដឹងថា ជនសង្ស័យឈ្មោះហ៊ុន វ៉ាន់ថា ភេទប្រុស អាយុ២១ឆ្នាំ មុខរបកសិករ សង្ស័យទើបមកលេងផ្ទះបងប្អូននៅភូមិឃុំកើតហេតុខាងលើបាន៦ទៅ៧ថ្ងៃតែប៉ុណ្ណោះ ហើយជនសង្ស័យមានទីលំនៅក្នុងភូមិ១ ឃុំត្រពាំងច្រេស ស្រុកកូនមុំ ។
ចំណែកជនរងគ្រោះឈ្មោះផូ ប៉ុនសន ភេទប្រុស អាយុ៣២ឆ្នាំ រស់នៅភូមិឃុំកើតហេតុខាងលើ ។
សមត្ថកិច្ចដដែលបានបន្តទៀតថា ក្រោយពីសមត្ថកិច្ចចាប់ឃាត់ខ្លួន ជនសង្សយ័បានឆ្លើយសារភាពថាខ្លួនពិតជាបានធ្វើសកម្មភាពលូចគាស់ផ្ទះជនរងគ្រោះខាងលើពិតប្រាកដមែន បានលុយចំនួន១.៦០០.០០០រៀល ហើយខ្លួនធ្វើសកម្មភាពតែម្នាក់ឯងប៉ុណ្ណោះ ។
មុនពេលធ្វើសកម្មភាពលួចគាស់ផ្ទះនោះ ខ្លួនបានចាំឃ្លាំមើលម្ចាស់ផ្ទះ២-៣ថ្ងៃ ហើយនៅថ្ងៃធ្វើសកម្មភាពនោះ ខ្លួនដឹងថាម្ចាស់ផ្ទះជាប់រវល់ទៅចំការបាត់ ហើយក៏ដើរតាមព្រៃក្រោយផ្ទះធ្វើសកម្មភាពតែម្ដង។
សមត្ថកិច្ចបានបញ្ជាក់ថាលុយដែលជនសង្សយ័លួចយកបានខាងលើ ត្រូវបានសមត្ថកិច្ច ស្រុកប្រគល់ឱ្យជនរងគ្រោះវិញគ្រប់ចំនួនអស់ហើយ ចំណែកជនសង្សយ័កំពុងកសាងសំណុំរឿងបញ្ជួនទៅតុលាការខេត្តដើម្បីចាត់ការតាមផ្លូវច្បាប់ សមត្ថកិច្វបានបន្តទៀតថា ជនសង្ស័យលួចមានស្ថានទម្ងន់ទោសអាចជាប់គុកចាប់ពី៣ទៅ៥ឆ្នាំ ៕
ចែករំលែកព័តមាននេះ