តូចចិត្តប្រពន្ធល្បួងលក់ដីបានវេចលុយរត់បាត់បុរសចំណាស់ម្នាក់សម្រេចចិត្ត…
- ភ្នំពេញ
រាជធានីភ្នំពេញ ៖ បុរសចំណាស់ម្នាក់បានធ្វើអត្តឃាតដោយចង.កសម្លាប់ខ្លួនបន្ទាប់ពីខ្លួនមានជម្ងឺប្រចាំកាយផងហើយប្រពន្ធល្បួងលក់ដីហើយវេចលុយរត់ចោលបាត់រយៈពេល២ខែកន្លងមកហើយ ដោយបុរសនោះបានយកកៅអីជ័រដាក់ឡើងឈរចង.កសម្លាប់ខ្លួននៅលើដើមប្រេងខ្យល់នៅមាត់ទឹករណ្ដៅដីស្ថិតនៅក្នុងភូមិគោកចំបក់ សង្កាត់ចោមចៅ១ ខណ្ឌពោធិ៍សែនជ័យ រាជធានីភ្នំពេញ និងត្រូវបានអ្នកភូមិប្រទះឃើញកាលពីវេលាម៉ោង៦ព្រឹក ថ្ងៃទី២៥ ខែតុលា…
តាមប្រភពព័ត៌មានបានឲ្យដឹងថា បុរសនោះឈ្មោះ គឹម សុផល អាយុ៦៥ឆ្នាំ មានជម្ងឺទឹកនោមផ្អែមប្រចាំកាយ គាត់មានប្រពន្ធឈ្មោះ កែ សំអុល អាយុ៥៨ឆ្នាំ មុខរបរលក់ដូរ ។ ពួកគាត់មានកូនចំនួន៥នាក់ ប្រុស៣នាក់ និងស្រី២នាក់ ហើយកូនប្រុសម្នាក់ស្នាក់នៅជាមួយពួកគាត់ ។
ប្រភពខាងលើបានបន្តថា ប្រពន្ធបានសម្រេចចិត្តចុះទៅចោលប្ដីបាត់លែងត្រឡប់វិញរយៈពេល២ខែមកហើយ ចំណែកគាត់បានរស់នៅក្នុងផ្ទះជួលមួយជាមួយកូនប្រុសម្នាក់ ។ ប៉ុន្តែប៉ុន្មានថ្ងៃកន្លងមកនេះកូនប្រុសបានចាកចេញទៅធ្វើការនៅខេត្តតាកែវហើយគាត់បានស្នាក់នៅម្នាក់ឯងបន្ទាប់មករឿងដែលនឹកស្មានមិនដល់គាត់បានគិតខ្លីសម្រេចបញ្ចប់ជីវិតខ្លួនឯងដោយធ្វើអត្តឃាតចង.កសម្លាប់ខ្លួនបែបនេះតែម្ដង ។
ចែករំលែកព័តមាននេះ