ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់អត្ដសញ្ញាណ បានធ្វើសកម្មភាពលួចកាច់យកម៉ូតូមួយគ្រឿង កាលពីវេលាម៉ោង៨ព្រឹកថ្ងៃទី២៥ តុលា នេះ ខណ:ម្ចាស់ទុកនៅណុចផ្សារឈីេទាល ក្នុងភូមិឈើរទាល…
ខេត្តបាត់ដំបង ៖ សមត្ថកិច្ចបានរាយការណ៍ថា ជនមិនស្គាល់អត្ដសញ្ញាណ បានធ្វើសកម្មភាពលួចកាច់យកម៉ូតូមួយគ្រឿង កាលពីវេលាម៉ោង៨ព្រឹកថ្ងៃទី២៥ តុលា នេះ ខណ:ម្ចាស់ទុកនៅណុចផ្សារឈីេទាល ក្នុងភូមិឈើរទាល ឃំុឈីេទាល ស្រុកបាណន់ ។
សមត្ថកិច្ចបានឲ្យដឹងថា ម្ចាស់ម៉ូូតូនោះ ឈ្មោះសំ រិទ្ធ ភេទប្រុស អាយុ៣០ឆ្នាំ រស់នៅភូមិខ្នា ឃុំឈើទាល ស្រុកបាណន់ ។ រីឯម៉ូតូដែលបាត់ម៉ាកហុងដាឌ្រីមសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខបាត់ដំបង1AD-3684។ ម្ចាស់បានជិះម៉ូតូទៅឈប់នៅក្បែរផ្សារ ទុកម៉ូតូនៅចិញ្ចេីមថ្នល់រួចដើរចូលទៅទិញអីវ៉ាន់ក្នុងផ្សារ លុះបន្តិចក្រោយមក ពេលដើរចេញមកវិញស្រាប់តែបាត់ម៉ូតូ ទើបមានការភ្ញាក់ផ្អើលតែ
ម្ដង។
បើតាមប្រភពនានានិយាយថា ម៉ូតូនោះ ទំនងត្រូវចោរលួចតាំងពីម្ចាស់ដើរចូលក្នុងផ្សារភ្លាមៗ ហើយចោរក៏តាមដានអ្នកជិះម៉ូតូឈប់នៅទីនោះមិនប៉ប្រិចភ្នែកដែរ។ ប៉ុន្តែមិនមានសាក្សីណាបានប្រទះឃើញសកម្មភាពជនសង្ស័យនោះទេ ។
សមត្ថកិច្ខបានឲ្យដឹងដែរថា បច្ចុប្បន្នករណីកាច់សោរលួចម៉ូតូនៅតាមទីសាធារណ: និងនៅតាមទីប្រជុំជននេះ កំពុងកើតមានស្ទើរគ្រប់ទីកន្លែង ខណ:ការបង្ក្រាបហាក់ធ្វើបានតិចទូចបំផុត ។ ដូច្នេះម្ចាស់យានយន្តគួរតែមានការប្រុងប្រយ័ត្នខ្លួនឯងផងដែរ ៕
ចែករំលែកព័តមាននេះ