រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ខណៈនេះនាថ្ងៃទី២៥ តុលា នេះ មានការឡោមព័ទ្ធនៅផ្ទះល្វែងមួយកន្លែង ស្ថិតក្នុងភូមិទ្រា១ សង្កាត់ស្ទឹងមានជ័យ ខណ្ឌមានជ័យ ដើម្បីចាប់ករណីចោរលួចរថយន្តពីប្រទេសវៀតណាម មកកិបធ្វើស្លាកលេខក្លែងក្លាយនៅកម្ពុជា ដើម្បីលក់ចេញ ។
ការឡោមព័ទ្ធនេះ គឺធ្វើឡើងដោយកម្លាំងនគរបាលព្រហ្មទណ្ឌក្រសួងមហាផ្ទៃ ដឹកនាំដោយលោកឧត្តមសេនីយ៍ឯក ង៉េង ជួរ ប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ និងមានការសម្របសម្រួលឯកភាពពីព្រះរាជអាជ្ញាររងអមសាលាដំបូងរាជធានីភ្នំពេញ លោកហ៊ឹង ប៊ុនថន ។ បន្ទាប់បានស្រាវជ្រាវរកឃើញថា នៅទីតាំងខាងលើជាកន្លែងកិបធ្វើស្លាកលេខរថយន្តក្លែងក្លាយ ។ ពេលនេះ កម្លាំងបានរឹបអូសវត្ថុតាងជាច្រើនមានដូចជាម៉ាស៊ីនកិប និងដោះស្លាកលេខផងដែរ។
ទោះបីជាយ៉ាងណា មកទល់ម៉ោងនេះ គេនៅមិនទាន់ដឹងអ្នកលួចជាជនជាតិវៀតណាម ឬក៏ខ្មែរនោះទេ ខណៈសមត្ថកិច្ចកំពុងឃាត់បានជាបន្តបន្ទាប់ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព
ចែករំលែកព័តមាននេះ