ភាពស្និទ្ធស្នាលពេជ្រ សោភា និងឆឹម សក្កដា បាត់ទៅណា ?
- ភ្នំពេញ
រាជធានីភ្នំពេញ៖ ស្នេហារវាងអ្នកនាងពេជ្រ សោភា និងតារាសម្តែងឆឹម សក្កដា បាត់ភាពស្និទ្ធស្នាលនឹងគ្នាហើយ ខុសប្លែកឆ្ងាយពីពេលមុន ។ ចាប់តាំងពីពេជ្រ សោភា…
រាជធានីភ្នំពេញ៖ ស្នេហារវាងអ្នកនាងពេជ្រ សោភា និងតារាសម្តែងឆឹម សក្កដា បាត់ភាពស្និទ្ធស្នាលនឹងគ្នាហើយ ខុសប្លែកឆ្ងាយពីពេលមុន ។ ចាប់តាំងពីពេជ្រ សោភា…
រាជធានីភ្នំពេញ៖ ស្នេហារវាងអ្នកនាងពេជ្រ សោភា និងតារាសម្តែងឆឹម សក្កដា បាត់ភាពស្និទ្ធស្នាលនឹងគ្នាហើយ ខុសប្លែកឆ្ងាយពីពេលមុន ។
ចាប់តាំងពីពេជ្រ សោភា ផ្តើមស្នេហាជាមួយលោកឆឹម សក្កដា មកអ្នកទាំង២នេះបានបញ្ចូលអារម្មណ៍ចាក់ដោតស្នេហាឲ្យគ្នាទៅវិញទៅមកខ្លាំងណាស់ ។ ពេលនោះហើយដែលអ្នកណាក៏ជឿថា ភាពផ្អែមបែបនេះជាស្នេហាពិតយូរអង្វែង ។ ពួកគេតែងតែទៅណាមកណាត្រសង សូម្បីតែឡើងឆាកសម្តែងក៏ញឹកញាប់ដែរ ។ មិនតែប៉ុណ្ណោះថែមទាំងចេញបទចម្រៀងជាគូនៅលើបណ្តាញសង្គមធ្វើឲ្យអ្នកគាំទ្រកាន់តែជឿជាក់ថា ជាគូព្រេងពីអតីតជាតិយ៉ាងប្រាកដ ។
កាលពីពេលកន្លងមកគេសម្គាល់ឃើញថា តារាចម្រៀងស្រីស្ថិតនៅក្នុងស្រទាប់យុវវ័យ ពេជ្រ សោភា តែងតែបង្ហោះរូបភាពផ្អែមល្ហែម និងបង្ហាញការទាក់ទងយ៉ាងស្អិតរមួតជាមួយគូស្នេហ៍ដែលជាតារាសម្ដែងលោកឆឹម សក្កដា។ ជាពិសេសនៅពេលធ្វើដំណើរទៅណាមកណាម្ដងៗ អ្នកគាំទ្រតែងតែឃើញ លោកឆឹម សក្កដា អមដំណើរជាមួយនឹងតារាស្រីរូបនេះរហូតមក ។
ដោយឡែកមួយរយៈចុងក្រោយនេះ គូរស្នេហ៍ដែលធ្លាប់ល្អូកល្អិននឹងគ្នា ពេជ្រ សោភា និងឆឹម សក្កដា ហាក់មានភាពប្រែប្រួល លែងសូវផ្អែមល្ហែម បង្ហោះរូបភាពកៀកកើយស្និទ្ធស្នាលនឹងគ្នាដូចជាពេលមុនទៀត ។ ក្រោមមូលហេតុមួយនេះធ្វើឲ្យទស្សនិកជនដាក់ការសង្ស័យថា ស្នេហារបស់អ្នកទាំងពីរគ្រាន់តែជាស្នេហាបន្លំភ្នែកទស្សនិកជនប៉ុណ្ណោះ ។
លោក ឆឹម សក្កដា ធ្លាប់បានបង្ហើបថា ដោយសារតែរវល់ការងារសិល្បៈរៀងៗខ្លួន ដើម្បីប្រមូលលុយរៀបចំមង្គលការក្នុងពេលខាងមុខ ទើបលោកមិនសូវមានពេលជួប និងបង្ហាញការយកចិត្តទុកដាក់លើតារាស្រីពេជ្រ សោភា ។ យ៉ាងណាមិញតាំងពីពេលនោះមក ចំណងស្នេហ៍របស់តារាចម្រៀងពេជ្រ សោភា និង លោកឆឹម សក្កដា កាន់តែមានភាពស្ងប់ស្ងាត់ជាងមុន ពោលគឺមិនសូវមានឱកាសបាននៅជិតគ្នា ដូចជាពេលមុនឡើយ ។
អ្វីដែលកាន់តែកត់សម្គាល់ មានប្រភពជិតស្និទ្ធនឹងលោកឆឹម សក្កដា និយាយកាលពីពេលថ្មីៗកន្លងមកថា ស្នេហារបស់សក្កដា និងពេជ្រ សោភា គ្រាន់តែជាការសាងស្នេហាក្លែងក្លាយ ដើម្បីលើកប្រជាប្រិយភាពរបស់លោក ឆឹម សក្កដា ឲ្យមហាជនស្គាល់ច្រើន ហើយគ្រាន់តែជាស្នេហាឆាកល្ខោនប៉ុណ្ណោះ ។
មហាជនរង់ចាំតាមដានទៀតថា តើរវាងអ្នកសិល្បៈមួយគូនេះទៅជាបែបណាទៀត ជាស្នេហាបំភ័ន្តភ្នែក ឬមួយជាការណ៍ពិត?
ចែករំលែកព័តមាននេះ