បុរសម្នាក់ក្បែរនឹងស្លា.ប់ ដោយសារតែទម្លាប់នេះ
អង់គ្លេស ៖ តាមប្រភពព័ត៌មាន Metro បានឲ្យដឹងថា បុរសម្នាក់អាយុ៥៧ឆ្នាំ ក្បែរនឹងបាត់បង់ជីវិត ដោយសារតែទម្លាប់ខាំក្រចកដៃលេង។ Ricky Kennedy…
អង់គ្លេស ៖ តាមប្រភពព័ត៌មាន Metro បានឲ្យដឹងថា បុរសម្នាក់អាយុ៥៧ឆ្នាំ ក្បែរនឹងបាត់បង់ជីវិត ដោយសារតែទម្លាប់ខាំក្រចកដៃលេង។
Ricky Kennedy បាននិយាយថា គាត់ពិតជាសំណាងណាស់ ដែលអាចរស់មកវិញម្តងទៀត ក្រោយពីកើតជំងឺស្ហុក ដោយសារតែមេរោគចូលតាមក្រចកដៃ។ ជំងឺសិបទិចស្ហុក គឺកើតមានឡើងនៅពេលមានមេរោគចូលទៅក្នុងរាងកាយរបស់យើង។ ប្រព័ន្ធការពាររបស់យើងឆ្លើយតបខ្លាំងពេក ទៅនឹងមេរោគទាំងនោះ រហូតធ្វើឲ្យប៉ះពាល់ទៅនឹងសរីរាង្គរបស់ខ្លួនឯង។
បុរសវ័យជ្រេរម្នាក់នេះ មានទម្លាប់អាក្រក់មួយ ដែលតែងតែខាំក្រចកដៃលេង។ នៅពេលនោះ គាត់ក៏ឃើញពងបែកមួយកើតនៅក្បែរក្រចកដៃ។ គាត់ក៏បានទៅជួបគ្រូពេទ្យ ដើម្បីទទួលបានថ្នាំផ្សះ។ តែក្រោយមក ពងបែកក៏មានកើតឡើងនៅលើដៃ និងទ្រូង។ ពេលទៅដល់មន្ទីរពេទ្យម្តងទៀត គ្រូពេទ្យប្រាប់ថា គាត់មានជំងឺស្ហុក។
ដោយមានជំងឺទឹកនោមផ្អែមមកជាមួយនោះ Ricky ត្រូវចំណាយពេល៥ខែនៅមន្ទីរពេទ្យ ហើយបន្តលេបថ្នាំ២ខែទៀតនៅផ្ទះ ដើម្បីព្យាបាលឲ្យដាច់។ ពេលកំពុងនៅពេទ្យ គ្រូពេទ្យប្រាប់ថា គាត់មានសង្ឃឹមតែ៥០%តែប៉ុណ្ណោះ។ ការដែលអាចចេញមកផ្ទះវិញបាន គឺចាត់ទុកថាសំណាងលើសំណាងហើយ។ Ricky ចង់ចែករំលែកពីបទពិសោធន៍ដ៏អាក្រក់នេះឲ្យគ្រប់គ្នាបានដឹង៕
ចែករំលែកព័តមាននេះ