ខេត្តកំពត ៖ តាមសេចក្តីរាយការណ៍ពីនគរបាលចរាចរខេត្តកំពតបានឲ្យដឹងថា ម៉ូតូមួយគ្រឿងជិះគ្នា៣នាក់ បានរេចង្កូតទៅបុកស្លាកយីហោដែលគេដាក់នៅចិញ្ចើមផ្លូវ បណ្តាលឱ្យស្លាប់ម្នាក់ របួសធ្ងន់ម្នាក់ និងស្រាលម្នាក់ ។ ហេតុការណ៍គ្រោះថ្នាក់ចរាចរណ៍ខាងលើកើតឡើងកាលពីវេលាម៉ោង៩និង៣០នាទីយប់ថ្ងៃទី២៣…
ខេត្តកំពត ៖ តាមសេចក្តីរាយការណ៍ពីនគរបាលចរាចរខេត្តកំពតបានឲ្យដឹងថា ម៉ូតូមួយគ្រឿងជិះគ្នា៣នាក់ បានរេចង្កូតទៅបុកស្លាកយីហោដែលគេដាក់នៅចិញ្ចើមផ្លូវ បណ្តាលឱ្យស្លាប់ម្នាក់ របួសធ្ងន់ម្នាក់ និងស្រាលម្នាក់ ។
ហេតុការណ៍គ្រោះថ្នាក់ចរាចរណ៍ខាងលើកើតឡើងកាលពីវេលាម៉ោង៩និង៣០នាទីយប់ថ្ងៃទី២៣ ខែតុលា ២០១៨ នៅលើកំណាត់ផ្លូវជាតិលេខ៤១ ចន្លោះគីឡូម៉ែតលេខ៥៨-៥៩ ស្ថិតនៅភូមិព្រៃឃ្លៃ ឃុំស្រែចែង ស្រុកជុំគិរី ខេត្តកំពត ។
ជនរងគ្រោះទាំង៣នាក់ខាងលើរួមមាន ១-ឈ្មោះ ហួ ភេទប្រុស អាយុ១៧ឆ្នាំ ជាអ្នកបើកបរ រស់នៅភូមិត្រពាំងរាំង ឃុំសូសែន ស្រុកព្រៃឈរ ខេត្តកំពង់ចាម បានស្លាប់នៅនិងកន្លែងកើតហេតុ ២-ឈ្មោះព្រីង សិដ្ឋ ភេទប្រុស អាយុ២៣ឆ្នាំ ជាអ្នករួមដំណើរ រស់នៅភូមិអង្គក្រង ឃុំវាលរបងក្រៅ ស្រុកពាមជរ ខេត្តព្រៃវែង បានរងរបួសធ្ងន់ និង៣-ឈ្មោះ ព្រីង ចិត្ត ភេទប្រុស អាយុ២០ឆ្នាំ ជាអ្នករួមដំណើរ រស់នៅភូមិឃុំជាមួយគ្នា បានរងរបួសស្រាល។
ប្រភពបានឲ្យដឹងទៀតថាៈ គ្រោះថ្នាក់ចរាចណ៍ខាងលើនេះគឺបង្កឡើងដោយខ្លួនឯង ពេលអ្នករួមដំណើរ២នាក់ និងអ្នកបើកបរបានជិះម៉ូតូមួយគ្រឿងម៉ាកឌ្រីមសង់ ពណ៌ខ្មៅ ស៊េរីឆ្នាំ២០១៧ ពាក់ស្លាកលេខ កំពង់
ចាម ១R-៧១៣១ ធ្វើដំណើរពីទិសខាងត្បូង លុះមកដល់ចំណុចកើតហេតុ បានរេចង្កូតបុកស្លាកយីហោដែលគេដាក់នៅចិញ្ចើមផ្លូវ បណ្តាលឲ្យដួលម៉ូតូ និងធ្វើឱ្យអ្នកបើកបរម៉ូតូបានស្លាប់នៅកន្លែងកើតហេតុ ចំណែកអ្នករួមដំណើរទាំង២នាក់បានរងរបួសធ្ងន់ម្នាក់ និងស្រាលម្នាក់ ។
អ្នករងរបួសត្រូវបានសមត្ថកិច្ចហៅរថយន្តដឹកទៅសង្គ្រោះនៅមន្ទីរពេទ្យបង្អែកខេត្ត រីឯសពត្រូវបានរថយន្តមន្ទីរពេទ្យ បង្អែកស្រុកឈូក ដឹកទៅកាន់ស្រុកកំណើតនៅឯខេត្តកំពង់ចាមដើម្បីប្រគល់ឲ្យ ក្រុមគ្រួសាររៀមចំធ្វើបុណ្យតាមប្រពៃណី ។
ចំណែកម៉ូតូ ត្រូវបានសមត្ថកិច្ចបានយកទៅរក្សាទុកនៅប៉ុស្តិ៍រដ្ឋបាលឃុំស្រែចែង ស្រុកជុំគីរី ខេត្តកំពត រង់ចាំប្រគល់ឲ្យក្រុមគ្រួសារជនរងគ្រោះវិញ ៕
ចែករំលែកព័តមាននេះ