រាជធានីភ្នំពេញ ៖ ស្ត្រីជនជាតិវៀតណាមប្រើឈ្មោះខ្មែរម្នាក់ ត្រូវបានកម្លាំងសមត្ថកិច្ចនគរបាលមន្ទីរប្រឆាំងគ្រឿងញៀនក្រសួងមហាផ្ទៃ ឃាត់ខ្លួនបញ្ជូនទៅកាន់សាលាដំបូងរាជធានីភ្នំពេញ កាលពីរសៀលថ្ងៃទី២៣ តុលា ពាក់ព័ន្ធករណីជួញដូរសារធាតុញៀនដោយខុសច្បាប់ ។ ស្ត្រីជាប់សង្ស័យខាងលើឈ្មោះ…
រាជធានីភ្នំពេញ ៖ ស្ត្រីជនជាតិវៀតណាមប្រើឈ្មោះខ្មែរម្នាក់ ត្រូវបានកម្លាំងសមត្ថកិច្ចនគរបាលមន្ទីរប្រឆាំងគ្រឿងញៀនក្រសួងមហាផ្ទៃ ឃាត់ខ្លួនបញ្ជូនទៅកាន់សាលាដំបូងរាជធានីភ្នំពេញ កាលពីរសៀលថ្ងៃទី២៣ តុលា ពាក់ព័ន្ធករណីជួញដូរសារធាតុញៀនដោយខុសច្បាប់ ។
ស្ត្រីជាប់សង្ស័យខាងលើឈ្មោះ ប៉ុល ដាវី ហៅ ង្វៀង យាំងហាយ អាយុ៣៥ឆ្នាំ ស្នាក់នៅម្តុំច្រាំងចំរះ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។
តាមមន្ត្រីមន្ទីរប្រឆាំងគ្រឿងបានឲ្យដឹងថា ការចាប់ខ្លួនជនសង្ស័យខាងលើ សមត្ថកិច្ចបានប្រើវិធានញុះញុង ចាប់ជាក់ស្តែង និងដកហូតសារធាតុញៀនប្រមាណ១៣.៧៥ក្រាម ។
ក្រោយពេលចាប់ខ្លួន ជនសង្ស័យបានសារភាពថា ថ្នាំញៀនជាង១៣ក្រាមនេះ ខ្លួនបានទិញពីមនុស្សម្នាក់ និងយកទៅលក់ឲ្យមនុស្សម្នាក់ទៀត ប៉ុន្តែនៅពេលប្រគល់ថ្នាំញៀនឲ្យទៅមនុស្សម្នាក់នោះ ស្រាប់តែនគរបាលចាប់ឃាត់ជាប់ និងនាំទៅកាន់កន្លែងសមត្ថកិច្ចតែម្តង ។
សំណុំរឿងនេះបានស្ថិតនៅដៃលោក តុប ឈុនឡុង ព្រះរាជអាជ្ញរងអមសាលាដំបូងរាជធានីភ្នំពេញ ធ្វើការសាកសួរ និងក្រោយពីសាកសួរ តំណាងអយ្យការបានសម្រេចធ្វើការចោទប្រកាន់ជាផ្លូវការពីបទជួញដូរនូវសារធាតុញៀនដោយខុសច្បាប់ ។
បន្ទាប់មកជនសង្ស័យត្រូវបានខាងព្រះរាជអាជ្ញាចាត់បញ្ជូនទៅចៅក្រចៅក្រមស៊ើបសួរ ដើម្បីសម្រេចឃុំខ្លួនដាក់ពន្ធនាគារជាបណ្តោះ ៕
ចែករំលែកព័តមាននេះ