ទីក្រុងកូត្យូ ៖ ជប៉ុន និងសហភាពអឺរ៉ុប (EU) បានព្រមព្រៀងគ្នាកាលពីថ្ងៃចន្ទថា នឹងសម្រេចដំណើរការក្នុងស្រុកមុនចុងឆ្នាំនេះ ដើម្បីផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី មួយនៅខែមីនា ឆ្នាំ២០១៩ ដូចដែលបានគ្រោងទុក ។
ក្នុងកិច្ចប្រជុំចាប់ផ្តើមកិច្ចសន្ទនាថ្នាក់ខ្ពស់លើការធ្វើពាណិជ្ជកម្ម វិនិយោគនិងថាមពល ភាគីទាំងសងខាងក៏បានព្រមព្រៀងគ្នាថា នឹងសហការគ្នាក្នុងការសាងសង់ហេដ្ឋារចនាសម្ព័ន្ធក្នុងប្រទេសទីបីផងដែរ ។ រដ្ឋមន្ត្រីការបរទេស Taro Konoរបស់ប្រទេសជប៉ុនបាននិយាយថា ៖« កិច្ចព្រមព្រៀងដៃគូសេដ្ឋកិច្ចរចវាងជប៉ុន និងសហរដ្ឋអាមេរិកនៅតែសំខាន់ »។
រដ្ឋមន្ត្រីខាងលើ និងរដ្ឋមន្ត្រីឧស្សាហកម្ម Hiroshige Seko បានឲ្យដឹងថា ៖« ពួកយើងបានព្រមព្រៀងក្នុងការខិតខំដើម្បីបញ្ចប់ដំណើរការក្នុងស្រុកមុនចុងឆ្នាំនេះ ដូច្នេះភាគីទាំងពីរអាចមើលឃើញអត្ថប្រយោជន៍ក្នុងពេលឆាប់ៗ »។
ប្រទេសជប៉ុន និងEU បានព្រមព្រៀងថានឹងចាប់ផ្តើមកិច្ចសន្ទនាថ្នាក់ខ្ពស់នៅកិច្ចប្រជុំរបស់ពួកគេនៅទីក្រុងតូក្យូនាខែកក្កដា និងបានសម្រេចកិច្ចព្រមព្រៀងពាណិជ្ជកម្មសេរីមួយបន្ទាប់ពីការចរចាអស់៥ឆ្នាំមក ។ កិច្ចព្រមព្រៀងថ្មីនេះ នឹងបំបាត់ពន្ធលើផលិតផលភាគច្រើន ។
ក្នុងកិច្ចប្រជុំ ភាគីទាំងសងខាងក៏បានចរចាពីសេដ្ឋកិច្ចឌីជីថល ការវិនិយោគ និងថាមពលបៃតង ផងដែរ ។ ជប៉ុននិង EU សង្ឃឹមថា នឹងអាចជំរុញដល់ការវិនិយោគលើហេដ្ឋារចនាសម្ព័ន្ធក្នុងប្រទេសទីបី ខណៈដែលប្រទេសចិនកំពុងតែពង្រីកឥទ្ធិពលខ្លួននៅអាហ្វ្រិក និងតំបន់ដទៃ ។
ធនាគារ European Investment Bank បានចុះអនុស្សរណៈនៃការយោគយល់គ្នាមួយដើម្បីពង្រឹងកិច្ចសហប្រតិបត្តិការជាមួយធនាគារ Japan Bank for International Cooperation និងក្រុមហ៊ុន Nippon Export and Investment Insurance ជាដើម ៕
ចែករំលែកព័តមាននេះ