តាមប្រភពព័ត៌មាន Manchester Evening News បានឲ្យដឹងថា គ្រូបង្វឹករបស់ក្រុមមេឃខៀវ Pep Guardiola បានអះអាងថា នឹងធ្វើឲ្យក្លិបនេះកាន់តែខ្លាំងជាងអ្វីដែលកំពុងតែខ្លាំងស្រាប់ហើយ ។ គេពិតជាឆ្ងល់ថា តើលោកនឹងធ្វើយ៉ាងណា ព្រោះតែ Man City ខ្លាំងស្រាប់ហើយ ដែលបានស៊ុតចូល១០៦គ្រាប់ និងទទួលបានពិន្ទុ១០០នៅកាលពីរដូវកាលមុន ។
លោក Pep ថា កីឡាករម្នាក់ៗអាចអភិវឌ្ឍខ្លួនឲ្យកាន់តែប្រសើរ ហើយបានទទួលស្គាល់ថាការដែលអាចស៊ុតចូល១០០គ្រាប់គឺមិនងាយនឹងសម្រេចបានទេនៅរដូវកាលក្រោយនេះ ។ ដោយឈរនៅលើគេ ក្រោយការប្រកួត៩ដង City បានស៊ីដាច់គេនៅក្នុងលីគ ហើយបានគ្រាប់បាល់ច្រើនជាង Liverpool ដល់ទៅ10គ្រាប់ ។
នៅពេលលោក Pep ត្រូវបានគេសួរពីវិធីធ្វើឲ្យកាន់តែខ្លាំង លោកបានខិតខំធ្វើយ៉ាងណាឲ្យក្រុមរបស់គាត់ខ្លាំងខាងផ្នែកការពារដូចទៅនឹងផ្នែកវាយលុកដែរ ។ ពិតណាស់ក្រុមផ្សេងទៀតក៏បានអភិវឌ្ឍខ្លួនដែរ តែ Man City ក៏មិននៅស្ងៀម ។
កាលពីរដូវកាលមុន គេអាចយកឈ្នះ Man City បានដោយគ្រាន់តែយកពិន្ទុឲ្យបានច្រើនជាការស្រេច តែនៅរដូវកាលនេះ ពួកគេនឹងការពារមិនឲ្យគួរប្រជែងយកឈ្នះឡើយ ៕
ចែករំលែកព័តមាននេះ