មានចោរមួយក្រុមបានចូលលួចទ្រព្យនៅក្នុងភូមិគ្រឹះរបស់លោក David Beckham អតីតខ្សែបម្រើឆ្នើមជនជាតិអង់គ្លេស និងភរិយានៅក្រុង Cotswolds ចក្រភពអង់គ្លេស កាលពីថ្ងៃទី១៩ ខែតុលា កន្លងមក ។
តាមរយៈកាមេរ៉ាសុវត្ថិភាពបានថតរូបភាពក្រុមចោរមានពាក់ម៉ាស់ និងមានជណ្ដើរដាក់ផ្អែកនៅចំហៀងផ្ទះដើម្បីរកមើលវត្ថុមានតំលៃតាមមាត់បង្អួច ។ ក្រោយមកកងសន្តិសុខនៅឯភូមិគ្រឹះបានឃើញក្រុមចោរតាមរយៈកាមេរ៉ាសុវត្ថិភាពធ្វើឲ្យពួកគេលួចមិនបាន ហើយអ្នកស្រុកនៅទីនោះក៏ជួយដេញចាប់ ។
បច្ចុប្បន្នប៉ូលិសនៅតាមចាប់ចោរទាំង៣នាក់មិនទាន់បាន ខណៈប្រភពពី Daily Mail របស់អង់គ្លេសបញ្ជាក់ថា បច្ចុប្បន្នអតីតខ្សែបម្រើរូបនេះបានបង្កើនការការពារសុវត្ថិភាពយ៉ាងតឹងរឹង ។
ភូមិគ្រឹះខាងលើមានតំលៃ៦លានផោន ឬ៨លានដុល្លារ ដែលក្រុមគ្រួសារ David Beckham តែងតែមកសម្រាកនាពេលចុងសប្តាហ៍ ៕
ចែករំលែកព័តមាននេះ