រាជធានីភ្នំពេញ ៖ សម្តេចតេជោ ហ៊ុន សែន បានដាក់ចម្ងល់ទៅក្រុមប្រឆាំងថា ហេតុអ្វីមិនធ្វើបាតុកម្មប្រឆាំងនៅក្នុងទីក្រុងហ្សឺណែវ ប្រទេសស្វីសអីញ្ចឹង ។ ការលើកឡើងនេះ បន្ទាប់ពីស ម្តេចឃើញក្រុមប្រឆាំងធ្វើបាតុកម្មប្រឆាំងទស្សនកិច្ចរបស់សម្តេច នៅតាមបណ្តាប្រទេសមួយចំនួន ដែលធ្វើទស្សនកិច្ច ។
ក្នុងជំនួបសំណេះសំណាលជាមួយសមាគមន៍ខ្មែរនៅទ្វីអឺរ៉ុប កាលពីថ្ងៃទី២៣ តុលា ឆ្នាំ២០១៨ក្នុងទីក្រុងហ្សឺណែវ ប្រទេសស្វីស យ៉ាងដូច្នេះថា «អ្វីដែលខ្ញុំចាប់អារម្មណ៍ថ្ងៃនេះថា ហេតុបានជានៅទីក្រុងហ្សឺណែវ អត់មានបាតុកម្មប្រឆាំងខ្ញុំទៅវិញ ។ នេះជាសំណួរដែលគួរឲ្យឆ្ងល់ ណាស់! ខ្ញុំធ្លាប់តែឃើញបាតុកម្ម យើងអត់ប្លែករឿងគេធ្វើបាតុកម្មប្រឆាំងយើង អត់ប្លែកទាល់ តែសោះ ! ។ រឿងដែលប្លែកអត់មានបាតុកម្មវាទៅជាអញ្ចឹងវិញ» ។ សម្តេចតេជោក៏បានដាក់សំណួរយ៉ាងដូច្នេះថា តើជាឆន្ទៈរបស់គេ ឬក៏គេប្រមូលមនុស្សអត់បាន0x017d7 នេះជាបញ្ហាដែលត្រូវសួរ ។ អ្នកឯងធ្លាប់ធ្វើបាតុកម្មគ្រប់កន្លែងទាំងអស់ ។ សម្តេចបន្ថែមថា សម្តេចមិនឆ្ងល់ទេ រឿងធ្វើបាតុកម្មប្រឆាំងនោះព្រោះថា សូម្បីតែហៅ មីសីលបាញ់ចូលផ្ទះ តាំងពីឆ្នាំ១៩៩៨ ក៏គេហ៊ានដែរ (សម រង្ស៊ី) ។
យ៉ាងណាក្តីសម្រាប់ការមិនធ្វើបាតុកម្មនេះ ត្រូវបានសម្តេចតេជោអះអាងថា នឹងស្វែងរកនៅពេលក្រោយ ដើម្បីឲ្យដឹងពីមូលហេតុដែលនាំឲ្យក្រុមប្រឆាំងមិនហ៊ានធ្វើបាតុកម្ម នៅទីក្រុងហ្សឺណែលប្រទេសស្វីសនេះ ។ សម្តេចថា កាលនៅប្រទេសប៊ែលហ្សិកក្រុមបាតុកម្មករបានធ្វើបាតុកម្មប្រឆាំងសម្តេចរហូតដល់វិទ្យុអាស៊ីសេរីផ្សាយថា ១៣០០នាក់ ប៉ុន្តែចំនួននេះត្រូវបានសម្តេចតេជោហៅឲ្យអ្នកផ្សាយពីចំនួនអ្នកបាតុកម្មស្បថឲ្យរន្ទះបាញ់ផងដែរ ។ សម្តេចតេជោ « អាឡូវឲ្យតែអ្នកនិយាយអី បបួលស្បថតែម្តង មនុស្សតឹកលឹកៗ ថតអីញ្ចឹង ១៣០០នាក់ មនុស្ស១៣០០នាក់ ចំនួនច្រើន យើងថា ឲ្យអស់ខ្យល់ទៅ៣០០នាក់ប៉ុណ្ណោះ ។ បើអ្នកឯងថា១៣០០នាក់ ពិតមែនអ្នកឯកហ៊ានស្បថឲ្យស្លាប់ប្រពន្ធអ្នកឯង កូនអ្នកឯង ចៅអ្នកឯង គ្រួសារអ្នកឯង និងអ្នកជិតស្និតឯង ១០០នាក់ ហ៊ានស្បថទេ» ។ សម្តេចលើកឡើងទៀតថា ក្នុងវិស័យបច្ចេកវិទ្យាព័ត៌មានចំនួនអ្នកធ្វើបាតុកម្មគេអាចថតដឹង រហូតដល់រក្សា ឬសេវទុកមុខអ្នកធ្វើបាតុកម្មបានថែមទៀត ដើម្បីចំណាំអ្នកណាធ្វើបាតុកម្មថែមទៀត ។
សូមជម្រាបការលើកឡើងរបស់សម្តេចតេជោហ៊ុន សែន បន្ទាប់ពីសម្តេចត្រូវបានស្វាគមន៍ដោយប្រជាពលរដ្ឋយ៉ាងច្រើន ដែលរស់នៅក្នុងទ្វីបអឺរ៉ុប សម្រាប់ដំណើរទស្សនៈនៅក្នុងទីក្រុងហ្សែណែវប្រទេសស្វីស ។ ផ្ទុយទៅវិញក្រុមប្រឆាំងគេមិនបានឃើញវត្តមាននោះទេ ជាក់ស្តែងនោះនៅក្នុងផេករបស់ក្រុមប្រឆាំង ពិសេសផេករបស់លោក សម រង្ស៊ី អតីតប្រធានគណបក្សសង្គ្រោះជាតិ មិនឃើញបង្ហោះក្រុមបាតុករនោះទេ ៕
ចែករំលែកព័តមាននេះ