រាជធានីភ្នំពេញ ៖ អ្នកតំណាងរាស្ត្រដែលត្រូវបំពេញបេសកម្មនៅក្នុងតំបន់ និងក្រៅតំបន់ សុទ្ធតែទទួលបានប្រាក់សោហ៊ុយពីរដ្ឋសភា ប៉ុន្តែមានចំនួនខុសគ្នា ក្នុងករណីដែលអ្នកតំណាងរាស្ត្រនោះត្រូវតាំងពីប្រធានរដ្ឋសភា ។
នេះបើតាមឲ្យដឹងពីប្រធានគណៈកម្មការសេដ្ឋកិច្ចហិរញ្ញវត្ថុធនាគារ និងសវនកម្មនៃរដ្ឋសភា ។ លោកជាម យៀប ប្រធានគណៈកម្មការសេដ្ឋកិច្ចហិរញ្ញវត្ថុធនាគារ និងសវនកម្មនៃរដ្ឋសភាបានឲ្យដឹងក្នុងកម្មវិធីស្វាគមន៍ និងផ្តល់ព័ត៌មានបឋមសម្រាប់សមាជិកសមាជិករដ្ឋសភាអាណតិ្តទី៦ នាព្រឹកថ្ងៃទី២៤ តុលាបានឲ្យដឹងថា តំណាងរាស្ត្រដែលទទួលបានការចាត់តាំងពីប្រ ធានរដ្ឋសភាឲ្យបំពេញបេសកម្មក្នុងប្រទេសទទួលបានប្រាក់ហោប៉ៅចំនួន១៦ម៉ឺនរៀល ក្នុង មួយថ្ងៃសោហ៊ុយធ្វើដំណើរគិតជាប្រេងសាំងចំនួន១៥លីត្រ ក្នុង១០០គីឡូម៉ែត្រ និងការស្នាក់ នៅ និងអាហារជាបន្ទុករបស់រដ្ឋសភា ។
សម្រាប់ការធ្វើបេសកម្មនៅក្រៅប្រទេសវិញ លោកជាម យៀបបានឲ្យដឹងថា អ្នកតំណាងរាស្ត្រដែលត្រូវបានប្រធានរដ្ឋសភាចាត់ធ្វើបេសកម្មនៅក្នុងតំបន់អាស៊ីទទួលបានប្រាក់ចំនួន៥០ដុល្លារក្នុងមួយថ្ងៃ ក្នុងនោះប្រាក់ហោប៉ៅចំនួន១០០ដុល្លារ ប្រាក់សោហ៊ុយអាហារ១០០ដុល្លារ ប្រាក់សោហ៊ុយស្នាក់នៅ ៣០០ដុល្លារ ។ ចំពោះបេសកម្មនៅតំបន់អាហ្វ្រិកចិនទទួលបានប្រាក់ចំនួន៦០០ដុល្លារក្នុងមួយថ្ងៃ ក្នុងនោះប្រាក់ហោប៉ៅ១០០ដុល្លារ សោហ៊ុយអាហារ១០០ដុល្លារ សោហ៊ុយស្នាក់នៅ៤០០ដុល្លារ ។ និងបេសកម្មនៅតំបន់អឺរ៉ុបទទួលបានប្រាក់ចំនួន៧២០ដុល្លារក្នុងមួយថ្ងៃ ក្នុងនោះប្រាក់ហោប៉ៅ១០០ដុល្លារ សោហ៊ុយអាហារ១២០ដុល្លារសោហ៊ុយស្នាក់នៅ៥០០ដុល្លារ ។
ជាមួយគ្នានោះដែរ លោកជាម យៀប ក៏បានឲ្យដឹងថា សម្រាប់សមាជិកគណៈកម្មាធិការអចិន្ត្រៃយ៍រដ្ឋសភាវិញ ត្រូវបានផ្តល់ជូនប្រាក់ហោប៉ៅបន្ថែម៥០ភាគរយ និងសំបុត្រយន្តហោះថ្នាក់ Business Class ឬដំឡើងយន្តហោះថ្នាក់ Business Class ។ ក្នុងករណីដែលតំណាងរាស្ត្រត្រូវបានអញ្ជើញការឧបត្ថម្ភពីម្ចាស់ជំនួស ឬអ្នករៀបចំកម្មវិធីរួមមានសោហ៊ុយ អាហារ សោហ៊ុយស្នាក់នៅ និងសំបុត្រយន្តហោះរដ្ឋសភាផ្តល់ជូនតែប្រាក់ហោប៉ៅមួយមុខប៉ុណ្ណោះ ។
លោកជាម យៀប ក៏បានឲ្យដឹងចំពោះសហព័ន្ធរបស់ប្រធានអនុប្រធានរដ្ឋសភា ក្នុងដំណើរទស្សនកិច្ចជាផ្លូវការនៅបរទេសជាបន្ទុករបស់រដ្ឋសភា ។ ក្នុងករណីដែលសមាជិករដ្ឋទទួលមរណភាពទទួលបាន៥០លានរៀលសម្រាប់ពិធីបុណ្យសព និងប្រាប់បំណាច់ព្រមទាំងប្រាក់ ឧបត្ថម្ភផ្សេងៗគ្រប់យ៉ាង ដល់គ្រួសារសពរយៈពេលមួយទៀតគិតចាប់ពីថ្ងៃទីទទួលមរណភាព ៕
ចែករំលែកព័តមាននេះ