រាជធានីភ្នំពេញ ៖ សេចក្តីរាយការណ៍បឋមឱ្យដឹងថា ការភ្ញាក់ផ្អើលមួយកើតឡើង ខណៈបុរសចំណាស់
ម្នាក់បានស្លាប់នៅក្នុងផ្ទះសំណាក់មួយកន្លែង កើតឡើងកាលពីវេលាម៉ោង០៤ និង២០នាទីទៀបភ្លឺថ្ងៃទី២៤ តុលា នេះ ស្ថិតនៅផ្ទះសំណាក់យីហោ«ភ្នំមាស» ក្នុងភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ក្រោយបាននាំស្រីស្នេហ៍ទៅដេកកាលពីល្ងាច ។
សេចក្តីរាយការណ៍បន្តថា ជនរងគ្រោះដែលស្លាប់ឈ្មោះ ខៀវ ឃឺន អាយុ៧១ឆ្នាំ ជាអនុប្រធានភូមិព្រៃ
បឹង សព្វថ្ងៃស្នាក់នៅភូមិព្រៃបឹង សង្កាត់កន្ទោក ខណ្ឌពោធិ៍សែនជ័យ ។ ដោយឡែក ស្រីស្នេហ៍មានឈ្មោះ ពៅ សាត អាយុ៣២ឆ្នាំ ។
ប្រភពបន្តថា កាលពីវេលាម៉ោងប្រហែល០៧ និង៣០នាទីយប់ថ្ងៃទី២៣ តុលា ជនរងគ្រោះនិងស្រីស្នេហ៍បានមកដេកក្នុងផ្ទះសំណាក់ខាងលើ ។ លុះដល់ម៉ោងប្រហែល០៤ទៀបភ្លឺ គាត់បានប្រាប់ស្រីស្នេហ៍ថា
ដូចមិនសូវស្រួលខ្លួនទេ ហើយក៏ឱ្យស្រីស្នេហ៍ជួយកោសខ្យល់ឱ្យ ។ ពេលនាងកោសខ្យល់រួច ដើរចូលទៅងូតទឹក លុះចេញមកវិញ ក៏ឃើញគាត់ដេកហាមាត់ហើយនាងក៏ទៅអង្រួនគាត់ តែគាត់មិនមាត់មិន.កទេ នាងរត់មកហៅម្ចាស់ផ្ទះសំណាក់មកជួយមើលទើបដឹងថា គាត់បានដាច់ខ្យល់ស្លាប់បាត់ទៅហើយ ។
ក្រោយកើតហេតុ មានសមត្ថកិច្ចបានចុះមកពិនិត្យរួមទាំងមានលោកវេជ្ជបណ្ឌិតផងដែរ គឺសន្និដ្ឋានថា ជនរងគ្រោះស្លាប់ដោយសារគាំងបេះដូង ។ ក្នុងនោះ កម្លាំងបានប្រទះឃើញនៅក្នុងបន្ទប់គាត់ស្នាក់នោះ មានស្រោមអនាម័យប្រើរួចចំនួន២នៅក្នុងធុងសំរាមទៀតផង ។
ចែករំលែកព័តមាននេះ