Nereida Gallardo តារាម៉ូដអតីតគូស្នេហ៍កីឡាករ Cristiano Ronaldo បានបញ្ជាក់ថា ខ្សែប្រយុទ្ធក្លិប «សេះបង្កង់» Juventus មិនបានរំលោភលើនរណាម្នាក់ទេ ព្រោះតាំងពីសេពគប់រហូតឈប់ទាក់ទងគ្នាគេនៅតែបង្ហាញភាពជាសុភាពបុរស និងមានភាពទន់ភ្លន់បំផុតនៅលើពិភពលោក ។
តារាម៉ូដែល និងជាអតីតគូស្នេហ៍របស់តារាឆ្នើមប្រធានក្រុមជម្រើសជាតិព័រទុុយហ្គាល់ Cristiano Ronaldo បានបញ្ជាក់ថា នាងជឿជាក់ថា ខ្សែប្រយុទ្ធរូបនេះមិនបានបង្កហេតុចាប់រំលោភនរណាទេ ព្រោះតាំងពីសេពគប់គ្នានាពេលកន្លងមក គេជាសុភាពបុរសបំផុតនៅលើពិភពលោក រួមទាំងបញ្ជាក់ថា នាងនឹងធ្វើជាសាក្សីនៅក្នុងតុលាការដើម្បីការពារគេ ។
តារាម៉ូដែលជនជាតិអេស្ប៉ាញ បច្ចុប្បន្នអាយុ៣៥ឆ្នាំ ធ្លាប់សេពគប់ជាមួយប្រធានក្រុមជម្រើសជាតិព័រទុយហ្គាល់ជាង១០ខែ ក្រោយមកក៏ឈប់ទាក់ទងគ្នានៅខែសីហា ឆ្នាំ២០០៨ ខណៈពេលនាងបានកោតសរសើរថា Ronaldo មានភាពកក់ក្ដៅ និងគួរឲ្យស្រឡាញ់ រួមទាំងបានផ្ដល់់កិត្តិយសដល់នាងទៀតផង ។
ស្របពេលជាមួយគ្នានេះនាងក៏បានសំដែងទំនុកចិត្តថា គេមិនមែនជាមនុស្សអាវ៉ាសែដូចដែលនាង Kathryn Mayorga អតីតតារាម៉ូដអាមេរិកបានចោទប្រកាន់ថា បានរំលោភនាងនៅឯឡាស់វ៉េហ្គាស់ សហរដ្ឋអាមេរិក នៅខែមិថុនា ឆ្នាំ២០០៩ ឬប្រហែល១០ខែក្រោយពី Ronaldo ចែកផ្លូវជាមួយនាងទេ ៕
ចែករំលែកព័តមាននេះ