រាជធានីភ្នំពេញ ៖ រថយន្តហាយលែនឌឺមួយគ្រឿងដោយសារតែអ្នកបើកខ្វះការប្រុងប្រយ័ត្ន បានជ្រុលទៅបុកម៉ូតូកង់បី ដែលជិះដោយប្តីប្រពន្ធ និងដឹកឥវ៉ានគ្រឿងម្ហូបលក់បាយចំពីក្រោយ បណ្តាលឲ្យម៉ូតូក្រឡាប់ផ្ងារជើងមួយចំហៀងកំពប់បាយពាសពេញផ្លូវ តែសំណាងល្អ មិនគ្រោះថ្នាក់ដល់មនុស្សធ្ងន់ធ្ងរ ។…
រាជធានីភ្នំពេញ ៖ រថយន្តហាយលែនឌឺមួយគ្រឿងដោយសារតែអ្នកបើកខ្វះការប្រុងប្រយ័ត្ន បានជ្រុលទៅបុកម៉ូតូកង់បី ដែលជិះដោយប្តីប្រពន្ធ និងដឹកឥវ៉ានគ្រឿងម្ហូបលក់បាយចំពីក្រោយ បណ្តាលឲ្យម៉ូតូក្រឡាប់ផ្ងារជើងមួយចំហៀងកំពប់បាយពាសពេញផ្លូវ តែសំណាងល្អ មិនគ្រោះថ្នាក់ដល់មនុស្សធ្ងន់ធ្ងរ ។
ហេតុការណ៍នេះបានកើតឡើងនៅវេលាម៉ោង១១យប់ថ្ងៃទី២៣ ខែតុលា ឆ្នាំ២០១៨ ជិតនិងច្រកចូលកន្លែងចាក់សំរាមចាស់ ផ្លូវ២១៧ សង្កាត់ស្ទឹងមានជ័យ១ ខណ្ឌមានជ័យ ។
តាមប្រភព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញប្តីប្រពន្ធ២នាក់បានបើកម៉ូតូកង់បីដឹកសម្ភារគ្រឿងម្ហូបលក់បាយពេញមួយកង់បី ហើយបានធ្វើដំណើរតាមផ្លូវ២១៧ ក្នុងទិសដៅពីកើតទៅលិច ខណៈមកដល់ចំណុចកើតហេតុអ្នកបើកម៉ូតូកង់បីបានបត់ឆ្វេងបម្រុងឆ្លងទទឹងផ្លូវចូលទៅផ្លូវចាក់សំរាម ហើយស្របពេលពេលនោះដែរក៏ស្រាប់តែមានបុរសម្នាក់មានវ័យជាង៣០ឆ្នាំ បានបើករថយន្តម៉ាកហាយឡែនឌឺ ពណ៌ទឹកប្រាក់ ពាក់ស្លាកលេខ ភ្នំពេញ 2AD -1392 ធ្វើដំណើរក្នុងទិសដៅស្របគ្នា និងល្បឿនលឿនបានជ្រុលទៅបុក នឹងម៉ូតូកង់បីចំពីក្រោយពេញទំហឹង បណ្តាលឲ្យម៉ូតូកង់បីក្រឡាប់ផ្ងារជើងមួយចំហៀងក្រពុបបាយចានឆ្នាំងពាសពេញផ្លូវព្រមទាំងធ្វើឲ្យប្តីប្រពន្ធ២នាក់រងរបួសរលាត់ដៃរលាត់ជើងតិចតួច ហើយភ្លាមៗនោះដែរបងប្អូនប្រជាពលរដ្ឋដែលឃើញហេតុការណ៍បាននាំគ្នាជួយលើក និងប្រមូលរបស់ដែលកំពប់ដាក់លើម៉ូតូកង់បីវិញ ។
ដោយឡែករថយន្តបង្កវិញរងការខូចខាតក្រពិតថ្ពាល់មុខចំហៀងស្តាំ តែមិនបណ្តាលឲ្យមានគ្រោះថ្នាក់ដល់អ្នកបើកបររថយន្តឡើយ ។
ក្រោយពេលកើតហេតុភាគីទាំងសង្ខាងបានសម្របសម្រួល ហើយមិនចង់មានរឿងវែងឆ្ងាយ ខាងរថយន្តបានជួយចេញសំណងទៅឲ្យខាងម៉ូតូកង់បីចំនួនទឹកប្រាក់១៥០ដុល្លារ ដើម្បីបញ្ចប់រឿងនៅកន្លែង ៕
ចែករំលែកព័តមាននេះ