ខេត្តកំពង់ធំ ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើង កាលវេលាម៉ោង១១ព្រឹក ថ្ងៃទី២៣ ខែតុលា ឆ្នាំ២០១៨ នៅតំបន់សូងសាង ស្ថិតនៅភូមិថ្មសំលៀង ឃុំក្រយា…
ខេត្តកំពង់ធំ ៖ ហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើង កាលវេលាម៉ោង១១ព្រឹក ថ្ងៃទី២៣ ខែតុលា ឆ្នាំ២០១៨ នៅតំបន់សូងសាង ស្ថិតនៅភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ បណ្ដាលឲ្យស្ត្រីម្នាក់បានបាត់បង់ជីវិតក្រោយពីគោយន្តកន្រៃដឹកឈើដាច់កង់មុខ ក្រឡាប់សង្កត់លើ។
ប្រភពព័ត៌មានបានឲ្យដឹងថា នៅមុនពេលកើតហេតុ ពីនាក់ប្តីប្រពន្ធ ដែលប្តីឈ្មោះ ប៉ាល់ ពេញ អាយុប្រហែល៤០ឆ្នាំ មានទីលំនៅភូមិចុងដូង ឃុំចុងដូង ស្រុកបារាយណ៍ និងស្ត្រីរងគ្រោះ ជាប្រពន្ធឈ្មោះ ផុន ផល អាយុប្រហែលជាង៣០ឆ្នាំ បានបើកគោយន្តកន្ត្រៃទៅទិញចំនៀរឈើ នៅតំបន់ក្បែរព្រៃមួយកន្លែង នៅពេលដែលទិញបានហើយនោះ នាំគ្នាលើកដាក់គោយន្តកន្ត្រៃរបស់ខ្លួន ដោយឲ្យប្រពន្ធជិះពីលើឈើ រួចបើកគោយន្តក្នុងគោលបំណងវិលត្រឡប់មកផ្ទះវិញ។
តែជាអកុសល នៅពេលមកដល់ចំណុចកើតហេតុខាងលើ គោយន្តក៏ដាច់កង់មុខរេចង្កូតទទឹងថ្នល់ ធ្លាក់ប្រពន្ធពីលើគោយន្ត ខណៈនោះក៏មានរថយន្តកាមរីគូទហើមពណ៌សគ្មានស្លាកលេខ បើកបរពីជើងទៅត្បូងដូចគ្នា ក្នុងល្បឿនយ៉ាងលឿនមកដល់ក៏បុកគោយន្តពេញទំហឹង បណ្តាលឱ្យគោយន្តដឹកចំនៀឈើក្រឡាប់សង្កត់លើស្ត្រីរងគ្រោះបណ្តាលឱ្យស្លាប់ភ្លាមៗនៅនឹងកន្លែងកើតហេតុ។
ភ្លាមនោះតៃកុងរថយន្តបានចុះរត់គេចខ្លួនបាត់ស្រមោល ក្រោយសមត្ថកិច្ចធ្វើការវាស់វែងរួច វត្ថុតាងយកទៅរក្សាទុកនៅអធិការដ្ឋាន នគរបាលស្រុកសន្ទុកដើម្បីរងចាំធ្វើការដោះស្រាយនាពេលក្រោយ ចំណែកសាកសពស្ត្រីរងគ្រោះត្រូវជាប្តី និងសាច់ញាតិដឹកយកមកធ្វើបុណ្យតាមប្រពៃណី៕
ចែករំលែកព័តមាននេះ