តាមប្រភពព័ត៌មាន Goal បានឲ្យដឹងថា ម្ចាស់ពាន World Cup កាលពីឆ្នាំ១៩៧៨ ជឿជាក់ថា Messi សមនឹងសម្រាកពីក្រុមជម្រើសជាតិអាហ្សង់ទីនហើយឆ្លៀតបង្ហើរពាក្យឌឺដងដល់អ្នកដែលរិះគន់ Messi ។
វីរបុរសរបស់អាហ្សង់ទីន Mario Kempes បានចេញមុខការពារកីឡាករជើងខ្លាំងរបស់ក្លិបអ្នកមានបុណ្យ Lionel Messi ក្រោយមានពាក្យរិះគន់ពីសំណាក់ Diego Maradona ។ ទាំង Messi, Kempes និង Maradona សុទ្ធតែជាកីឡាករអាហ្សង់ទីនទាំងអស់ ហើយម្នាក់ៗធ្លាប់ឡើងដល់វគ្គផ្តាច់ព្រ័ត្រ World Cup ទាំងអស់ ។
Kempes បានឆ្លើយតបនឹងការរិះគន់របស់ Maradona ដែលថា Messi មិនសមជាអ្នកដឹកនាំ ដោយសារតែចូលបន្ទប់ទឹកជាង២០ដងមុនពេលប្រកួតថា ៖«គ្រប់គ្នាសុទ្ធតែដឹងថា Messi មិនអាចយកឈ្នះការប្រកួតតែម្នាក់ឯងបានទេ លើកលែងតែមនុស្សរោគចិត្តទេ ដែលសង្ស័យលើទេពកោសល្យរបស់រូបគេ ។ ការដែលថាគេមិនខ្វល់ពីអាហ្សង់ទីន គេមិនច្រៀងចម្រៀងជាតិ គេទៅបន្ទប់ទឹក៥០ដងមុនប្រកួត សុទ្ធតែជាការលើកឡើងពីអារម្មណ៍ប៉ុណ្ណោះ» ។
មិនត្រឹមតែលើកឡើងអ៊ីចឹងទេ Kempes បានឲ្យយោបល់ទៅ Maradona ថាគួរតែគិតទុកក្នុងចិត្តល្អជាងបញ្ចេញវោហាមកក្រៅ ៕
ចែករំលែកព័តមាននេះ