គ្រូបង្វឹកនៅក្លិបមេឃខៀវមានអារម្មណ៍ថា អ្នកគាំទ្រមិនសូវជាគាំទ្រឲ្យក្លិបរបស់លោកឈ្នះក្នុងការប្រកួតឡើយ ។ នាពេលថ្មីៗនេះលោកបានប្រាប់ថា លោកមិនគិតថា City មានប្រវត្តិគ្រប់គ្រាន់ ដើម្បីឈ្នះ Champions League ឡើយ ។
លោកបានប្រាប់ថា ៖«ខ្ញុំកើតនៅ Barcelona ហើយធំធាត់នៅទីនោះ ។ ខ្ញុំក៏ចាប់ផ្តើមលេងនៅទីនោះទៀត ។ នៅពេលខ្ញុំចាប់ផ្តើមលេង ពួកគេបានធ្វើឲ្យកីឡាករទាំងអស់មានគំនិតថា មានតែឈ្នះប៉ុណ្ណោះ ទើបជាផ្លូវអាចរស់រានបាន ។ តែអ្វីដែលខ្ញុំបានរៀនពីវាគឺថា បើទោះបីជាយើងមិនអាចឈ្នះពេលនេះ យើងក៏អាចមានឱកាសនៅថ្ងៃក្រោយដែរ» ។
Pep បានបន្តថា ៖«ពួកយើងនឹងដាក់ចិត្តដាក់កាយបន្ថែមទៀត ដើម្បីឲ្យឈ្នះការប្រកួតនេះ ។ ខ្ញុំឃើញកាលពីរដូវកាលមុនថា ក្លិបរបស់យើងមិនទាន់អាចឈ្នះនៅឡើយទេ ។ នេះគឺជាអ្វីដែលខ្ញុំមានអារម្មណ៍ ។ នេះមិនមែនមានន័យថា ពួកយើងមិនប្រឹងនោះទេ តែដើម្បីឈ្នះការប្រកួតបែបនេះបានវាមិនមែនត្រឹមតែត្រូវប្រើឆន្ទះនោះទេ» ។
លោកថា អ្នកគាំទ្រនៅតែមិនពេញចិត្តលើការប្រកួត UEFA ហើយសូម្បីតែការប្រកួតជាមួយនឹង Lyon ក៏សល់កៅអីច្រើនទៀត ។ នេះក៏ដោយសារតែអ្នកគាំទ្រភាគច្រើនឲ្យតម្លៃទៅលើ Premier League ជាងនេះ ។ លោកចង់ឲ្យអ្នកគាំទ្រផ្តល់កម្លាំងចិត្តជាងពេលឥលូវ ៕
ចែករំលែកព័តមាននេះ