ការវះកាត់កែសម្រស់ អាចជួយឲ្យរូបរាងរបស់អ្នកកាន់តែប្រសើរ ប៉ុន្តែវាមិនមែនសម្រាប់មនុស្សគ្រប់គ្នានោះទេ ។ ចូរឈ្វេងយល់ និងដឹងពីអ្វីដែលត្រូវពិចារណា មុនពេលវះកាត់ របៀបរកគ្រូពេទ្យវះកាត់ និងសំណួរអ្វីដែលត្រូវសួរ ។ ការវះកាត់កែសម្រស់ អាចមើលទៅហាក់ដូចជាវិធីងាយស្រួលក្នុងការកាត់បន្ថយភាពខុសប្រក្រតីរបស់អ្នកប៉ុន្មានឆ្នាំ ឬបង្កើនកាយសម្បទារបស់អ្នក ។ ប្រសិនបើអ្នកមិនពេញចិត្តនឹងរូបរាងរបស់អ្នក នោះការវះកាត់កែសម្រស់ អាចជួយអ្នកឲ្យមើលទៅស្រស់ស្អាត និងមានអារម្មណ៍ល្អ ។
ការវះកាត់កែសម្រស់ ទោះជាយ៉ាងណា គឺមានហានិភ័យ និងស្ថិតក្នុងកម្រិតមួយនៅឡើយ។ ប្រសិនបើអ្នកកំពុងពិចារណាពីការវះកាត់កែសម្រស់ ខាងក្រោមនេះគឺជាអ្វីដែលអ្នកត្រូវដឹង ។ កត្តាដែលត្រូវពិចារណា ៖ ការវះកាត់កែសម្រស់ អាចផ្លាស់ប្តូររូបរាងរបស់អ្នក ឬកែប្រែរាងកាយរបស់អ្នកដែលដំណើរការធម្មតា ប៉ុន្តែឲ្យមើលទៅតាមអ្វីដែលអ្នកចង់បាន ។ មុនពេលអ្នកទទួលការការវះកាត់កែសម្រស់សូមពិចារណា ៖
1. ការរំពឹងទុករបស់អ្នក ៖ ចូរគិតអំពីភាពប្រសើរឡើង តែមិនមែនភាពល្អឥតខ្ចោះទេ ។ ប្រសិនបើអ្នករំពឹងថា ការវះកាត់កែសម្រស់នឹងនាំអ្នកទៅជាតារាភាពយន្ត នោះអ្នកនឹងខកចិត្តហើយ។ កុំចាត់ទុកលើការវះកាត់ថា អាចជួយសង្គ្រោះចំណងស្នេហា ទទួលបានការលើកកម្ពស់ ឬធ្វើឲ្យប្រសើរឡើងនូវជីវិតក្នុងសង្គមរបស់អ្នកឲ្យសោះ ។
2. ការចំណាយ ៖ ភាគច្រើន ការវះកាត់កែសម្រស់ មិនត្រូវបានគ្របដណ្តប់ដោយផែនការធានារ៉ាប់រងសុខភាពឡើយ ។ តម្លៃនេះក៏ប្រែប្រួលទៅតាមនីតិវិធី ចាប់ពីរាប់រយទៅរាប់ពាន់ ឬម៉ឺនដុល្លារ ។
3. ហានិភ័យ ៖ ភាពមិនពេញចិត្ត គឺអាចកើតមានទៅបាន ។ ផលវិបាកនៃការវះកាត់ ក៏អាចកើតមានដែរ រួមទាំងការហូរឈាមហួសប្រមាណ ឬការឆ្លងមេរោគនៅកន្លែងវះកាត់។
4. ការងើបឡើងវិញ ៖ បន្ទាប់ពីការវះកាត់កែសម្រស់ អ្នកប្រហែលជាត្រូវការថ្ងៃឈប់សម្រាកតិច ឬច្រើន ដើម្បីអាចជាសះស្បើយ (ប្រភពពី៖ Health.com.kh) ៕
ចែករំលែកព័តមាននេះ