ខេត្តសៀមរាប ៖ កាលពីថ្ងៃទី២២ ខែតុលា ឆ្នាំ២០១៨ កម្លាំងការិយាល័យប្រឆាំងគ្រឿងញៀន ខេត្តនៃស្នងការដ្ឋាននគរបាលខេត្ត បានចុះបង្ក្រាបបទរក្សាទុកនិងជួញដូរដោយខុសច្បាប់នូវសារធាតុញៀន ស្ថិតនៅចំណុចលំនៅដ្ឋាន ក្នុងភូមិសាលាកន្សែង…
ខេត្តសៀមរាប ៖ កាលពីថ្ងៃទី២២ ខែតុលា ឆ្នាំ២០១៨ កម្លាំងការិយាល័យប្រឆាំងគ្រឿងញៀន ខេត្តនៃស្នងការដ្ឋាននគរបាលខេត្ត បានចុះបង្ក្រាបបទរក្សាទុកនិងជួញដូរដោយខុសច្បាប់នូវសារធាតុញៀន ស្ថិតនៅចំណុចលំនៅដ្ឋាន ក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប ឈានដល់ឃាត់ខ្លួនបានជនសង្ស័យចំនួន៣នាក់ រួចនាំយកមកសួរនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការខេត្ត ចាត់ការតាមផ្លូវច្បាប់។
តាមប្រភពពីសមត្ថកិច្ចនគរបាលជំនាញខេត្តបានប្រាប់ថា ជនសង្ស័យដែលត្រូវឃាត់បានចំនួន៣នាក់ ក្នុងនោះ ១-ឈ្មោះ ចាន់ វាសនា ភេទប្រុស អាយុ៣៧ឆ្នាំ មុខរបរមិនពិតប្រាកដ ទីលំនៅភូមិសាលាកន្សែង សង្កាត់ស្វាយដង្គំ ក្រុង ខេត្តសៀមរាប (រក្សាទុកនិងជួញដូរ) (មានសារធាតុញៀនក្នុងខ្លួន) ។
២-ឈ្មោះ ឈឹម មករា ភេទប្រុស អាយុ២៦ឆ្នាំ មុខរបរមិនពិតប្រាកដ ទីលំនៅភូមិទក្សិណត្បូង សង្កាត់គោកចក ខេត្តសៀមរាប (ជាអ្នកសមគំនិតជួញដូរ) (មានសារធាតុ ញៀនក្នុងខ្លួន) ។
និង៣-ឈ្មោះ ឈឹម រតនា ភេទប្រុស អាយុ២៨ឆ្នាំ មុខរបរមិនពិតប្រាកដ ទីលំនៅភូមិទក្សិណត្បូង សង្កាត់គោកចក ក្រុងខេត្តសៀមរាប (ជាអ្នកសមគំនិតជួញដូរ) (មានសារធាតុញៀនក្នុងខ្លួន)។
ក្រោយឃាត់ខ្លួនបានជនសង្ស័យ ក្នុងនោះកម្លាំងជំនាញបានដកហូតបានវត្ថុតាងរួមមាន ម្សៅមេតំហ្វេតាមីន ប្រភេទទឹកកក ចំនួន១៤កញ្ចប់ ឧបករណ៍ប្រើប្រាស់គ្រឿងញៀន និងសំភារវេចខ្ចប់គ្រឿងញៀនមួយចំនួន ទូរស័ព្ទដៃចំនួន៤គ្រឿង។
បច្ចុប្បន្ន ជនសង្ស័យទាំង៣នាក់និងវត្ថុតាង ត្រូវបានកម្លាំងជំនាញរៀបចំកសាងសំណុំរឿងបញ្ជូនទៅតុលាការខេត្ត ដើម្បីចាត់ការតាមនីតិវិធី៕
ចែករំលែកព័តមាននេះ