ខេត្តរតនគីរី ៖ រថយន្តមួយគ្រឿងបានបុកជាមួយម៉ូតូ បណ្ដាលអោយមនុស្សស្លាប់២នាក់ភ្លាមៗនៅកន្លែងកើតហេតុ ។ ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ថ្ងៃទី២២ ខែតុលា ឆ្នាំ២០១៨ ស្ថិតនៅភូមិប៉ក់ធំ ឃុំប៉ក់ញ៉ៃ…
ខេត្តរតនគីរី ៖ រថយន្តមួយគ្រឿងបានបុកជាមួយម៉ូតូ បណ្ដាលអោយមនុស្សស្លាប់២នាក់ភ្លាមៗនៅកន្លែងកើតហេតុ ។ ហេតុការណ៍នេះបានកើតឡើងកាលពីវេលាម៉ោង១០និង២០នាទីយប់ថ្ងៃទី២២ ខែតុលា ឆ្នាំ២០១៨ ស្ថិតនៅភូមិប៉ក់ធំ ឃុំប៉ក់ញ៉ៃ ស្រុកអូយ៉ាដាវ ។
ជនរងគ្រោះដែលស្លាប់ទាំង២នាក់ខាងលើម្នាក់ឈ្មោះណាត សុភា ភេទប្រុស អាយុ២៧ឆ្នាំ មុខរបរកសិករ និងម្នាក់ទៀតឈ្មោះយ៉ាន ដារា ភេទប្រុស អាយុ២៥ឆ្នាំ មុខរបរកសិករ។ ជនរងគ្រោះ២នាក់រស់នៅភូមិអ៊ុន ឃុំលំជ័រ ស្រុកអូយ៉ាដាវ ។ ចំណែករថយន្តបង្ក ពណ៌ទឹកដោះគោ ក្រោយពីកើតហេតុអ្នកបើកបររថយន្តបានរត់គេចខ្លួនបាត់ ។
បើតាមសាក្សីពីប្រជាពលរដ្ឋរស់នៅក្បែកន្លែងកើតហេតុបសនអោយដឹងថា អ្នកបើកបររថយន្តបើកក្នុងល្បឿនយ៉ាងលឿនទំនងស្រវឹងផងបានបុកម៉ូតូរបស់ជនរងគ្រោះលាន់ដូចរន្ទះ ។
មន្ត្រីសមត្ថកិច្ចប៉ូលិសជំនាញបានបន្តទៀតថា ម៉ូតូមួយគ្រឿងដែលជិះគ្នា២នាក់ គ្មានស្លាកលេខ បានបុកជាមួយរថយន្តដែលបើកបរក្នុងបញ្ចាសទិសគ្នា ។
មូលហេតុបណ្ដាលអោយកើតមានគ្រោះថ្នាក់ចរាចរណ៏នេះ គឺខាងរថយន្តបានបើកបរចូលមកចំណែកផ្លូវខាងម៉ូតូខ្លាំងពេក ទើបបណ្ដាលរថយន្តបុកម៉ូតូចំពីមុខពេញកំហឹង បណ្តាលឱ្យ ជនរងគ្រោះទាំង២នាក់រងរបួសបាក់ជើងនឹងបាក់កស្លាប់យ៉ាងអាណោចអាធ័មនៅកន្លែងកើតហេតុតែម្ដង។
សពជនរងគ្រោះត្រូវបានបងប្អូនសាច់ញាតិដឹកយកទៅធ្វើបុណ្យតាមប្រពៃណី ចំណែករថយន្ត និងម៉ូតូត្រូវបានសមត្ថកិច្ចប៉ូលិសជំនាញស្រុកអូយ៉ាដាវយកមករក្សាទុកដើម្បីអោយម្ចាស់រថយន្តចូលខ្លួនមកដោះស្រាយគ្នាតាមច្បាប់៕
ចែករំលែកព័តមាននេះ