រាជធានីភ្នំពេញ ៖ រថយន្តឡិចស៊ីស RX400H មួយគ្រឿង ដោយសង្ស័យអ្នកបើកបរស្រវឹង បានបើករថយន្តបោះពួយក្នុងល្បឿនលឿនជ្រុលទៅបុករបងដីឡូត៍មួយកន្លែងបណ្ដាលអោយរងការខូចខាតរថយន្តយ៉ាងដំណំ ។
ហេតុការណ៍នេះដែរបានកើតឡើងនៅវេលាម៉ោង២យប់រំលងអាធ្រាត្រឈានចូលថ្ងៃទី២៣ ខែតុលា ឆ្នាំ២០១៨ ផ្លូវជាតិលេខ២ កែងនិង ផ្លូវ៦០ម៉ែត្រ ភូមិព្រែកហូរខាងលិច សង្កាត់ព្រែកហូរ ក្រុងតាខ្មៅ ខេត្តកណ្តាល ។
តាមប្រភព័ត៌មានពីកន្លែងកើតហេតុបានអោយដឹងថា គេបានឃើញបុរសម្នាក់វ័យជាង៣០ឆ្នាំ បានបើករថយន្តម៉ាកឡិចស៊ិស RX400H ពណ៌ស្ករ អត់មានស្លាកលេខ បានធ្វើដំណើរតាមផ្លូវ៦០ម៉ែត្រ ក្នុងទិសដៅពីជើងទៅត្បូង ក្នុងល្បឿនលឿនព្រមទាំងស្រវឹងផងនោះ លុះមកដល់ចំនុចកើតហេតុ អ្នកបើកបរ បានបួងចង្កូតបត់ស្តាំឡើងទៅផ្លូវជាតិលេខ២ ។
ដោយសារតែរថយន្តបើកលឿនហើយអ្នកបើកបរស្រវឹងផងនោះ ទើបបួងចង្កូតមិនទាន់ ក៍ជ្រុលទៅបុករបងដីឡូត៍មួយកន្លែង បណ្ដាលរងការខូចខាតអស់មួយប្រលោះ និងធ្វើអោយរថយន្តរងការខូចខាតខ្ទេចផ្នែកខាងមុខស្ទើរតែទាំងស្រុង និងធ្វើអោយអ្នកបើកបរ របួសដៃបន្តិចបន្តួច ត្រូវបានសាច់ញាតិដឹកយកព្យាបាលរបួសនៅមន្ទីពេទ្យ ។
ក្រោយពេលកើតហេតុ ឃើញមានសមត្ថកិច្ចមូលដ្ឋាន បានចុះទៅដល់កន្លែងកើតហេតុ រួចហើយទំនាក់ទំនងហៅខាងជំនាញ អោយមកស្ទូចយករថយន្តបង្ករទៅរក្សារទុកនៅអធិការដ្ឋានក្រុងតាខ្មៅ ៕
ចែករំលែកព័តមាននេះ