ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា មានករណីហិង្សាដោយចេតនាមួយកើតឡើងរវាងជនជាតិចិន និងជនជាតិចិន ដែលកើតឡើងនៅវេលាម៉ោង០៧និង៣០នាទី ថ្ងៃទី២២ ខែតុលា ឆ្នាំ២០១៨ នៅចំណុចតូបលេខ៧៧៧…
ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា មានករណីហិង្សាដោយចេតនាមួយកើតឡើងរវាងជនជាតិចិន និងជនជាតិចិន ដែលកើតឡើងនៅវេលាម៉ោង០៧និង៣០នាទី ថ្ងៃទី២២ ខែតុលា ឆ្នាំ២០១៨ នៅចំណុចតូបលេខ៧៧៧ ក្រុមទី១៧ ភូមិ៤ សង្កាត់៤ ក្រុង-ខេត្តព្រះសីហនុ ។
សេចក្តីរាយការណ៍បានបន្តថា ជនរងគ្រោះឈ្មោះ HE YONG ភេទប្រុស អាយុ២៧ឆ្នាំ ជនជាតិចិន មុខរបរបុគ្គលិកក្លឹបម៉ីម៉ី ស្នាក់នៅភូមិ៥ សង្កាត់៤ក្រុង-ខេត្តព្រះសីហនុ ។ ករណីហិង្សាដោយចេតនាមួយនេះបង្កឡើងដោយជនសង្ស័យម្នាក់ជាជនជាតិចិនបានធ្វើសកម្មភាពយកដបស្រាបៀរវាយទៅលើជនរងគ្រោះជាជនជាតិចិនដូចគ្នា បណ្តាលឲ្យរងរបួស រយះកញ្ចឹង.កដេរ១៥ថ្នេរ រងរបួសប្រអប់ដៃខាងស្តាំ ជើងខាងស្តាំ និងក្បាល (រងរបួសមធ្យម ) ។
ចំណែកជនសង្ស័យឈ្មោះ SONG SHUAI ភេទប្រុស អាយុ២៩ឆ្នាំ ជនជាតិចិន មុខរបរបុគ្គលិកក្លឹបម៉ីម៉ី ស្នាក់នៅភូមិ៥ សង្កាត់៤ក្រុង-ខេត្តព្រះសីហនុ ។
ករណីនេះកើតឡើងដោយសារជនរងគ្រោះ និងជនសង្ស័យបានផឹកស៊ីជាមួយគ្នានៅតូប ៧៧៧ ហើយក៏មានការទាស់ពាក្យសម្តីគ្នា ពេលនោះជនសង្ស័យបានយកដបស្រាបៀរ វាយទៅលើជនរងគ្រោះតែម្តង ។
ចំពោះជនសង្ស័យខាងលើការិយាល័យនគរបាលព្រហ្មទណ្ឌកម្រិតស្រាលកំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ៕
ចែករំលែកព័តមាននេះ