ខេត្តពោធិ៍សាត់ ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ ពេលដោតខ្សែភ្លើងបញ្ចូលអាគុយមិនប្រយ័ត្នបណ្ដាលឲ្យឆ្លងចរន្ដ។ ហេតុការណ៍នេះបានកើតឡើងនៅនឹងផ្ទះជនរងគ្រោះផ្ទាល់តែម្ដង ស្ថិតក្នុងភូមិទួលអណ្ដែត ឃុំស្វាយស ស្រុកក្រគរ កាលពីវេលាម៉ោង១១និង១៥នាទីយប់ថ្ងៃទី២២ ខែតុលា…
ខេត្តពោធិ៍សាត់ ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុ ពេលដោតខ្សែភ្លើងបញ្ចូលអាគុយមិនប្រយ័ត្នបណ្ដាលឲ្យឆ្លងចរន្ដ។ ហេតុការណ៍នេះបានកើតឡើងនៅនឹងផ្ទះជនរងគ្រោះផ្ទាល់តែម្ដង ស្ថិតក្នុងភូមិទួលអណ្ដែត ឃុំស្វាយស ស្រុកក្រគរ កាលពីវេលាម៉ោង១១និង១៥នាទីយប់ថ្ងៃទី២២ ខែតុលា ឆ្នាំ២០១៨ ។
សមត្ថកិច្ចឲ្យដឹងថា ជនរងគ្រោះដែលស្លាប់ឈ្មោះ ញាស់ រុំ ភេទប្រុសអាយុ៣៧ឆ្នាំ នៅលីវ រស់នៅក្នុងបន្ទុកក្រុមគ្រួសារក្នុងចំណោមបងប្អូន៤នាក់ ដែលមានឪពុកឈ្មោះ ញាស់ រ៉េត អាយុ៥៦ឆ្នាំ និងម្ដាយឈ្មោះ សឿង សុខឡេង អាយុ៥៥ឆ្នាំ រស់នៅភូមិឃុំកើតហេតុខាងលើ។
ទាក់ទិននឹងករណីខាងលើនេះសមត្ថកិច្ចបានឲ្យដឹងថា នៅវេលាយប់កើតហេតុ ជនរងគ្រោះបានយកអាគុយទៅសាកភ្លើង ពេលដោតឌុយចូលទៅក្នុងព្រីភ្លើងទំនងជាដៃសើម ឬមិនដឹងជាខុសបច្ចេកទេសយ៉ាងម៉េចនោះទេ ស្រាប់តែឆ្លងចរន្ដបណ្ដាលឲ្យឆក់ស្លាប់ភ្លាមៗនៅនឹងកន្លែងតែម្ដង។
នៅថ្ងៃដដែលនោះសមត្ថកិច្ចបានចុះទៅពិនិត្យសាកសពបានបង្ហាញឲ្យដឹងថា ជនរងគ្រោះពិតជាស្លាប់ដោយឆក់ខ្សែភ្លើងពិតប្រាកដមែន ៕
ចែករំលែកព័តមាននេះ