រាជធានីភ្នំពេញ ៖ បុរសម្នាក់ក្នុងចំណោមបក្សពួក២នាក់ត្រូវបានកម្លាំងសមត្ថកិច្ចប៉ុស្តិ៍នគរបាលទំនប់ទឹកឃាត់ខ្លួនយកទៅសាកសួរដោយសង្ស័យថា ជាមុខសញ្ញាឆក់ ហេតុការណ៍ឃាត់ខ្លួននេះបានធ្វើឡើងនៅវេលាម៉ោង១២និង២៥នាទី រំលងអធ្រាត្រឈានចូល ថ្ងៃទី២៣ ខែតុលា ឆ្នាំ២០១៨ នៅក្រោយមន្ទីរពេទ្យមិត្តភាពខ្មែរសូវៀត(ពេទ្យរុស្ស៊ី)…
រាជធានីភ្នំពេញ ៖ បុរសម្នាក់ក្នុងចំណោមបក្សពួក២នាក់ត្រូវបានកម្លាំងសមត្ថកិច្ចប៉ុស្តិ៍នគរបាលទំនប់ទឹកឃាត់ខ្លួនយកទៅសាកសួរដោយសង្ស័យថា ជាមុខសញ្ញាឆក់ ហេតុការណ៍ឃាត់ខ្លួននេះបានធ្វើឡើងនៅវេលាម៉ោង១២និង២៥នាទី រំលងអធ្រាត្រឈានចូល ថ្ងៃទី២៣ ខែតុលា ឆ្នាំ២០១៨ នៅក្រោយមន្ទីរពេទ្យមិត្តភាពខ្មែរសូវៀត(ពេទ្យរុស្ស៊ី) ផ្លូវ៤៣០ សង្កាត់ទំនប់ទឹក ខណ្ឌចំការមន ។
បុរសដែលត្រូវសមត្ថកិច្ចឃាត់ខ្លួនបានមានឈ្មោះ សៀក សំណាង ហៅង៉ោល អាយុ២៧ឆ្នាំ មុខរបរកម្មកររោងចក្រ ស្នាក់នៅផ្ទះជួល ភូមិទ្រា សង្កាត់ស្ទឹងមានជ័យ១ ខណ្ឌមានជ័យ មានស្រុកកំណើតនៅភូមិកណ្ដាល ស្រុកខ្សាច់កណ្តាល ខេត្តកណ្តាល ដកហូតម៉ូតូហុងដាឌ្រីម ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ 1CS-5088 ។
តាមសម្តីសមត្ថកិច្ចប៉ុស្តិ៍នគរបាលទំនប់បានអោយដឹងថា មុននឹងឈានទៅដល់ការឃាត់ខ្លួនបុរសខាងលើនេះបានគឺកម្លាំងសមត្ថកិច្ចបានធ្វើការល្បាតក្នុងមូលដ្ឋានដើម្បីទប់ស្កាត់បទល្មើសផ្សេង និងការពារសុវត្តិភាពជូនប្រជាពលរដ្ឋ ខណៈនោះក៏ស្រាប់តែប្រទះឃើញបុរស២នាក់បានជិះម៉ូតូម៉ាកហុងដាឌ្រីម ស៊េរីឆ្នាំ២០១៥ ពណ៌ខ្មៅមួយគ្រឿង បោះពួយយ៉ាងលឿន តាមផ្លូវ៤៣០ក្រោយមន្ទីរពេទ្យរុស្សីមានម៉ូតូមួយគ្រឿងទៀតជិះម៉ូតូដេញមកដល់ចំណុចកើតហេតុក៏ស្រាប់តែបុរស២នាក់ដែលជិះម៉ូតូហុងដាឌ្រីម ស៊េរីឆ្នាំ២០១៥ បានជិះទៅបុកនឹងចិញ្ចើមផ្លូវបណ្តាលអោយដួលម៉ូតូបុរសម្នាក់ដែលអង្គុយខាងក្រោយបានរត់គេខ្លួនបាត់នៅសល់តែបុរសម្នាក់ដែលជាអ្នកឌុប និងម៉ូតូមួយគ្រឿងក៏ត្រូវសមត្ថកិច្ចឃាត់ខ្លួនយកទៅសាកសួរនៅប៉ុស្តិ៍នគរបាលទំនប់តែម្តង ។
នៅចំពោះមុខសមត្ថកិច្ចបុរសម្នាក់នោះបានសារភាពថា រូបគេមិនបានប្រព្រឹត្តបទល្មើសអ្វីនោះទេគឺពួកគេគ្រាន់តែជិះម៉ូតូតាមពីក្រោយ នៅម្តុំអូតែលស ខណ្ឌដូនពេញ ពេលនោះក៏ស្រាប់តែមានម៉ូតូមួយគ្រឿងទៀតដូចជាកម្លាំងសមត្ថកិច្ចធ្វើអោយពួកគេភ័យក៏ជិះម៉ូតូរត់គេចរហូតជ្រុលទៅបុកចិញ្ចើមផ្លូវទើបសមត្ថកិច្ចដែលល្បាតឆ្លងកាត់ទីនោះបានឃើញក៏ឃាត់ខ្លួនតែម្តងទៅ ។
បុរសរូបនោះក៏បានបន្ថែមទៀតថា រូបគេធ្លាប់ជាប់ពន្ធធានាគារម្តងពីរឿងករណីឆក់ ព្រមទាំងធ្លាប់ប្រើប្រាស់គ្រឿងញៀនថែមទៀតផង ។
ក្រោយពេលកើតហេតុ បន្ទាប់ពីសាកសួររួចហើយបុរសរូបនោះត្រូវបានសមត្ថកិច្ចបញ្ជួនខ្លួនទៅអធិការដ្ឋានខណ្ឌចំការមនដើម្បីចាត់ការបន្ត ៕
ចែករំលែកព័តមាននេះ