ខេត្តមណ្ឌលគិរី ៖ ដើម្បីការពារផលប្រយោជន៍ និងសុខភាពអ្នកប្រើប្រាស់ទូទៅមន្ត្រីកាំកុងត្រួលខេត្តមណ្ឌលគិរី បានរកឃើញ និងដកហូតភេសជ្ជៈខូចគុណភាព និងហួសកាលបរិច្ឆេទប្រើប្រាស់ស្មើនឹង៨០គីឡូក្រាមនៅតាមផ្ទះ និងតូបលក់ចាប់ហួយនានាពីអាជីវករនៅស្រុកអូររាំងយកមករក្សាទុកនៅមន្ទីរពាណិជ្ជកម្មខេត្តដើម្បីធ្វើការដុតកម្ទេចចោលនៅពេលក្រោយ ។ ប្រតិបត្តិការនេះដឹកនាំដោយលោក…
ខេត្តមណ្ឌលគិរី ៖ ដើម្បីការពារផលប្រយោជន៍ និងសុខភាពអ្នកប្រើប្រាស់ទូទៅមន្ត្រីកាំកុងត្រួលខេត្តមណ្ឌលគិរី បានរកឃើញ និងដកហូតភេសជ្ជៈខូចគុណភាព និងហួសកាលបរិច្ឆេទប្រើប្រាស់ស្មើនឹង៨០គីឡូក្រាមនៅតាមផ្ទះ និងតូបលក់ចាប់ហួយនានាពីអាជីវករនៅស្រុកអូររាំងយកមករក្សាទុកនៅមន្ទីរពាណិជ្ជកម្មខេត្តដើម្បីធ្វើការដុតកម្ទេចចោលនៅពេលក្រោយ ។
ប្រតិបត្តិការនេះដឹកនាំដោយលោក ចាន់ វាសនា ប្រធានសាខាកាំកុងត្រួលខេត្តសហការជាមួយមន្ទីរពាណិជ្ជកម្មខេត្ត នគរបាលប្រឆាំងបទល្មើសសេដ្ឋកិច្ចខេត្ត និងអាជ្ញាធរដែនដីបានចុះត្រួតពិនិត្យទំនិញ និងចំណីអាហារនៅតាមផ្ទះលក់ទំនិញនានា ស្ថិតនៅឃុំសែនមនោរម្យ ស្រុកអូររាំង នាថ្ងៃទី២២ ខែតលា ឆ្នាំ២០១៨ ។
ប្រធានសាខាកាំកុងត្រូលខេត្តលោក ចាន់ វាសនា បានឲ្យដឹងថា ការចុះត្រួតពិនិត្យនេះគឺផ្តោតសំខាន់ទៅលើទំនិញវេចខ្ចប់ស្រាប់ ភេសជ្ជៈ និងចំណីអាហារដែលអាជីវករដាក់តាំងលក់នៅតាមផ្ទះលក់ចាបហ៊ួយនានាដើម្បីពិនិត្យគុណភាព សុវត្ថិភាពចំណីអាហារក្នុងគោលបំណង ការពារផលប្រយោជន៍ និងសុខភាពអ្នកប្រើប្រាស់ ។
លោកបន្ថែមថា ការចុះត្រួតពិនិត្យនេះមន្ត្រីជំនាញបានធ្វើតេស្តរកសារធាតុគីមីហាមឃាត់លើត្រីងៀត មុខទំនិញបន្លែ និងអំបិលអ៊ីយ៉ូតម៉ាកសញ្ញាអង្គរ ជាលទ្ធផលពុំមានសារធាតុហាមឃាតទាំងនោះទេ និងអំបិលមានអ៊ីយ៉ូតត្រឹមត្រូវផងដែរ ។
បន្ទាប់មកក៏បានត្រួតពិនិត្យទំនិញវេចខ្ចប់ស្រាប់ ដើម្បីស្វែងរកទំនិញខូចគុណភាព និងហួសកាលបរិច្ឆេទប្រើប្រាស់ ជាលទ្ធផលមន្ត្រីជំនាញប្រមូលបានភេសជ្ជៈខូចគុណភាព និងហួសកាលបរិច្ឆេទប្រើប្រាស់ចម្រុះពីអាជីវករស្មើនឹង៨០គីឡូក្រាម ។ ជាងនេះទៅទៀតមន្ត្រីកាំកុងត្រួលក៏បានណែនាំ និងធ្វើកិច្ចសន្យាចំពោះម្ចាស់សិប្បកម្មទឹកសុទ្ធម៉ាកយូនីឱ្យដាក់កាលបរិច្ឆេទលើសំបកដបឱ្យបានត្រឹមត្រូវ ៕
ចែករំលែកព័តមាននេះ